Efnisveita — Sensa ehf.

Fróðlegur október að baki hjá Sensa

Blogg

Fróðlegur október að baki hjá Sensa en mánuðurinn var tileinkaður netöryggi

Eydís Eyland

Markaðsstjóri Sensa

4. nóvember 2025

Við tileinkuðum októbermánuð öryggismálum og stóðum við fyrir fjölbreyttri og fræðandi dagskrá. Öryggismánuðurinn í ár samanstóð af fjórum áhugaverðum viðburðum þar sem fræðsla, lausnir og samvinna voru í forgrunni.

Við buðum viðskiptavinum og áhugafólki um netöryggi að taka þátt í viðburðum þar sem sérfræðingar Sensa og samstarfsaðilar okkar deilu nýjustu lausnum og sögðu reynslusögur um netöryggi.

skýjaVIST 365 kynnt

Við hófum öryggismánuðinn með kynningu á skýjaVIST 365, nýrri hýsingar- og rekstrarþjónustu hjá Sensa þar sem öryggi er í fyrirrúmi.

Gestafyrirlesari var Alex Hitchen frá Huntress, einum helsta samstarfsaðila Sensa í öryggismálum, sem fjallaði um þróun og viðbragð við nútíma netógnunum.

Öryggisvegferð Sensa

Þann 7. október hélum við kynningarfund um öryggislausnaframboð Sensa, þar sem farið var yfir nýjustu lausnir í búnaði og rekstri en öryggi upplýsingakerfa er lykilatriði til að tryggja rekstur, vernda viðkvæm gögn og upplýsingar.

Umræðuefni dagsins var meðal annars:

Vöktun og viðbragð: Greining og viðbrögð í rauntíma.
Aðgangsstýringar og auðkenningarlausnir: Til að tryggja að rétti notandinn hafi réttan aðgang á réttum tíma.
Gagnaöryggi og varnir gegn árásum: Vernd gegn gagnaleka, innbrotum og spilliforritum.
Ráðgjöf og reglulegt öryggismat: Sértæk úttekt og ráðleggingar sérfræðinga okkar.

Einnig komu til okkar frábærir samstarfsaðilar, Ambaga og Nanitor og deildu sinni reynslu. Fundinum lauk á notalegum nótum með léttum veitingum og spjalli við gesti.

Öryggisdagur Palo Alto

Þann 16. október var Palo Alto Networks með sinn árlega öryggisviðburð á Nauthóli. Viðskiptavinir Sensa fengu sérstaklega boð á þennan viðburð. Sensa eru Platinum partner hjá Palo Alto Networks og höfum við verið í samstarfi til fjölda ára.

Steingrímur Óskarsson, nýr öryggisstjóri Sensa, var fenginn til þeirra með fyrirlestur sem fjallaði þar um öryggisvegferð Sensa og netöryggi.

Öryggi endabúnaðar

Þann 30. október mætti Arctic Wolf til okkar og kynntu þar öryggi endabúnaðar og fengum við fyrirlesarana Charlotte Nobel, Andy Brand ásamt Ara Þór sem eru sérfræðingar hjá Arctic Wolf til landsins.

Fyrirtækið rekur miðlæga öryggisvöktun (Security Operations Center – SOC), sem er mönnuð allan sólarhringinn. Þar er öryggisógn greind og brugðist við í rauntíma.

Sensa er Framúrskarandi fyrirtæki sextánda árið í röð

Sensa tók við Framúrskarandi vottuninni sextánda árið í röð. Vottun Framúrskarandi fyrirtækja er vottun um heilbrigða starfsemi í hraustum rekstri. Vottunin sýnir fram á vönduð vinnubrögð Sensa og er það mikilvægur þáttur í að efla traust viðskiptavina og samstarfsaðila.

Sensa er eitt af fimmtíu fyrirtækjum sem hafa verið Framúrskarandi fyrirtæki frá upphafi og er þetta því sextánda árið í röð sem við veitum viðurkenningunni móttöku.

„Við erum þakklát fyrir öflugt starfsfólk sem liggur að baki rekstri Sensa, þeirri seiglu og áræðni sem hefur einkennt fyrirtækið frá upphafi,“ segir Guðmundur Stefán Björnsson, framkvæmdastjóri Sensa.

Sensa eykur öryggi afritunar með nýju gagnaveri á Akureyri

Sensa leggur stöðugt áherslu á að auka öryggi og áreiðanleika þjónustu sinnar. Hluti af þeirri viðleitni er flutningur afritunarþjónustu úr höfuðborgarsvæðinu í nýtt og fullkomið gagnaver atNorth á Akureyri.

Raunkerfi viðskiptavina verða áfram rekin í gagnaveri Verne á Reykjanesi, en afritunargögn sem áður voru vistuð í Síðumúla í Reykjavík hafa nú verið flutt til Akureyrar. Með þessari breytingu eru gögn viðskiptavina varðveitt í tveimur óháðum gagnaverum, rekin af mismunandi aðilum, sem eykur bæði viðnámsþrótt og öryggi þjónustunnar.

„Markmið okkar með þessari tilfærslu er að tryggja sem besta vernd fyrir gögn viðskiptavina“ segir Steingrímur Óskarsson, öryggisstjóri Sensa. „Með því að nýta tvö óháð gagnaver á jarðfræðilega aðskildum stöðum tryggjum við bæði rekstraröryggi og viðnámsþrótt kerfa, og þar sem við höfum tengt þau saman með háhraða tengingum sem liggja aðskildar í jörðu hefur þetta ekki áhrif á endurheimtatíma afrita, áræðanleiki og þjónustugæði eru þau sömu.“

Breytingin tryggir aukið gagnaöryggi þar sem gögnin eru vistuð á jarðfræðilega aðskildu svæði með aðra innviði fyrir raforku og í meiri fjarlægð frá náttúruvá. Til að hámarka rekstraröryggi eru gagnaverin tengd saman með tveimur sjálfstæðum háhraða ljósleiðurum sem liggja aðskildir í jörðu. Breytingin hefur því engin áhrif á RTO (Recovery Time Objective) – endurheimt gagna verður áfram jafn hröð og örugg og áður.

Október er tileinkaður netöryggi hjá Sensa

Við hjá Sensa tökum öryggi alvarlega. Að lenda í tölvuárásum getur verið bæði kostnaðarsamt og tímafrekt – en með réttum lausnum er hægt að lágmarka áhættuna.

Október er öryggismánuður hjá Sensa og af því tilefni bjóðum við þér að taka þátt í 4 viðburðum á vegum félagsins þar sem sérfræðingar Sensa og samstarfsaðilar fara yfir nýjustu lausnir og reynslu úr heimi netöryggis:

Þann 1. október verður morgunverðarfundur: Kynning á skýjaVIST 365 – nýrri hýsingar- og rekstrarþjónustu hjá Sensa þar sem öryggi er í fyrirrúmi. Við fáum Alex Hitchen til okkar frá Huntress, en Huntress er einn af okkar helstu samstarfsaðilum í öryggismálum.

Þann 7. október ætlum við að vera með kynningarfund á öryggislausnum Sensa. Fundurinn hefst kl 14:00, þar sem Sensa mun kynna öryggislausnaframboði sitt. Við förum yfir lausnir í búnaði og rekstri auk þess sem samstarfsaðilar okkar og sérfræðingar í öryggi deila reynslusögum og ráðleggingum. Við ljúkum svo deginum á léttum veitingum og veigum.

Þann 16. október verða Palo Alto Networks með sinn árlega öryggisviðburð á Nauthóli. Viðskiptavinir Sensa eru hjartanlega velkomnir. Þar verður m.a. erindi frá Steingrími Óskarssyni, nýjum öryggisstjóra Sensa, um netöryggi.

Þann 30. október verður morgunverðarfundur hjá Sensa með Arctic Wolf sem mun fjalla um endanotandaöryggi. Við fáum fyrirlesarana Charlotte Nobel og Andy Brand, sem eru sérfræðingar hjá Arctic Wolf.

Golfmót Sensa haldið í blíðskapar veðri

Veðrið lék við okkur þann 28. ágúst síðastliðinn þegar árlegt golfmót Sensa fór fram í blíðskapar veðri á GR Grafarholti. Keppendur nutu þess að spila á einum af fallegasta og krefjandi golfvelli landsins, þar sem leikgleðin og góð stemning einkenndu daginn.

Keppt var í 4 manna Texas og skapaðist mikil spenna og skemmtileg samvinna á vellinum. Í lok mótsins voru veitt verðlaun fyrir framúrskarandi árangur í ýmsum flokkum.

Mótið í ár hefur sérstaka þýðingu þar sem þetta var síðasta golfmót Valgerðar sem framkvæmdastjóri Sensa. Hún hefur stýrt félaginu af miklum krafti og elju síðustu 23 ár og lagt sitt að mörkum til að skapa þann góða anda sem einkennir bæði fyrirtækið og viðburði þess.

Mótið tókst einstaklega vel og var greinilegt að keppendur lögðu bæði hjarta og huga í leikinn, þar sem jafnvægi á milli kapps og gleði skapaði frábæra stemningu.

Við viljum þakka öllum þeim sem tóku þátt fyrir ánægjulega samveru og skemmtilegan dag á vellinum.

Morgunverðarfundur: Nútímalegur og áhyggjulaus netrekstur

Sensa kynnir nýjar lausnir í netrekstri sem miða að því að auka öryggi, áreiðanleika og hagkvæmni í rekstri fyrirtækja.

Tvær nýjar þjónustuleiðir eru nú í boði:

netVIST – heildarlausn þar sem sérfræðingar Sensa taka alfarið að sér rekstur netkerfa.
Rekstrarstuðningur netlausna – þjónusta sem felur í sér faglega úttekt, reglubundna skýrslugjöf og stöðugar uppfærslur.

Í tilefni af kynningu á þessum lausnum býður Sensa til morgunfundar þar sem farið verður yfir hvernig fyrirtæki geta tryggt sér öruggan og áhyggjulausan netrekstur.

Dagskrá fundarins:

Húsið opnar kl. 08:30 með léttum morgunverði
Fundur hefst kl. 09:00 og stendur til 10:20

Staðsetning: Lyngháls 4

Skráðu þig til að tryggja þér sæti.

Sensa býður viðskiptavinum á árlegan öryggisviðburð Palo Alto Networks

Sensa býður viðskiptavinum sínum á árlegan öryggisviðburð Palo Alto Networks sem haldinn verður þann 16. október. Palo Alto Networks er alþjóðlegt leiðandi fyrirtæki á sviði netöryggis og hefur Sensa verið stoltur samstarfsaðili þess um árabil.

Dagskrá viðburðarins er áhugaverð og er boðið upp á fjölbreytt erindi um helstu áskoranir og tækifæri í netöryggismálum. Meðal fyrirlesara er Steingrímur Óskarsson, nýr öryggisstjóri Sensa, sem mun fjalla um fyrstu skrefin í öryggisvegferð fyrirtækja og hvernig best er að forgangsraða mikilvægum verkþáttum.

Viðburðurinn er opinn öllum sem hafa áhuga á að efla skilning sinn á netöryggi og læra af sérfræðingum á heimsvísu.

Dagskrá og skráning -> Palo Alto Networks.

Stelpur, stálp og tækni hjá Sensa

Verkefnið Stelpur, stálp og tækni, mættu í heimsókn til Sensa síðastliðinn föstudag. Markmiðið með viðburðinum er að kynna tækni sérstaklega fyrir stelpum og stálpum í 9. bekk grunnskóla og opna þannig augu þeirra fyrir þeim framtíðarmöguleikum sem tæknigeirinn hefur að bjóða og brjóta niður staðalímyndir og sýna þeim fjölbreytileikann sem einkennir tækni.

Eygló María, sérfræðingur í stafrænum lausnum, Eydís Eyland, markaðsstjóri Sensa, Edda María, sérfræðingur í notendaþjónustu og Sigrún Hilmars, sérfræðingur á rekstrarsviði, tóku á móti hópunum og kynntu þær fyrir Sensa og lögðu fyrir verkefni.

Það var virkilega gaman að taka á móti svona flottum hópum og fá tækifæri til að kynna þeim fyrir Sensa og kenna þeim á tveggja þátta auðkenningu!

Framkvæmdastjóraskipti hjá Sensa

Valgerður Hrund Skúladóttir, einn af stofnendum Sensa og framkvæmdastjóri frá upphafi, hefur ákveðið að láta af störfum þann 31. ágúst 2025 eftir farsælan feril við stjórnvöl fyrirtækisins. Hún mun þó ekki alfarið segja skilið við félagið, heldur taka sæti í stjórn Sensa. Guðmundur Stefán Björnsson, sem hefur gegnt stöðu öryggisstjóra og verið leiðtogi upplýsingatæknimála, tekur við stöðunni 1. september 2025.

Frá stofnun félagsins árið 2002 hefur Valgerður verið í lykilhlutverki í uppbyggingu og þróun fyrirtækisins. Undir hennar forystu hefur Sensa vaxið og dafnað, og er í dag 160 manna þjónustufyrirtæki, með starfsfólk í 12 löndum, sem sérhæfir sig í hýsingar- og rekstrarþjónustu, innviðalausnum og sérfræðiþjónustu fyrir fyrirtæki. Síminn keypti félagið árið 2007 og seldi það svo alþjóðlega upplýsingatæknifyrirtækinu Crayon, árið 2020, sem er eigandi þess í dag.

„Þegar ég lít til baka á þessa 23 ára vegferð með Sensa, fyllist ég stolti yfir því sem við höfum skapað saman. Það hefur verið ómetanlegt að vinna með frábæru teymi sem hefur sýnt ótrúlega elju og sköpunargleði. Nú er rétti tíminn til að afhenda keflið til Guðmundar Stefáns, sem ég treysti til að leiða fyrirtækið inn í næsta kafla með nýjum hugmyndum og krafti. Það krefst hugrekkis að takast á við ný hlutverk og breyta hlutunum – því það er svo mikilvægt í okkar bransa. Ég hlakka til að fylgjast með áframhaldandi vexti og árangri Sensa,“ segir Valgerður.

Guðmundur Stefán hefur verið stjórnandi hjá Sensa í 10 ár og var þar áður starfsmaður og stjórnandi hjá Símanum í 18 ár, þar af 5 ár í framkvæmdastjórn. Hann hefur gegnt lykilhlutverki innan félagsins allt frá því að upplýsingatæknisvið Símans sameinaðist Sensa. Guðmundur Stefán þekkir því fyrirtækið vel og er í kjörinni stöðu til að leiða það inn í næsta þróunarskeið.

„Ég er afar þakklátur fyrir það traust sem mér er sýnt og hlakka til að takast á við nýtt hlutverk. Sensa er einstakt fyrirtæki og hefur á að skipa öflugum hópi starfsfólks. Ég tek við góðu búi og eru tækifæri fjölmörg fram undan fyrir frekari vöxt og framþróun,“ segir Guðmundur Stefán.

Samhliða framkvæmdastjóraskiptunum mun Steingrímur Óskarsson taka við sem öryggisstjóri Sensa. Steingrímur hefur starfað í tæknigeiranum í yfir 25 ár og sinnt bæði rekstri og ráðgjöf. Undanfarin ár hefur hann starfað innan Sensa við viðskiptaþróun og ráðgjöf til lykilviðskiptavina.

Wi-Fi 7 er meira en bara hraði

Wi-Fi 7 staðallinn hefur vakið mikla athygli fyrir aukinn hraða og nýja tæknimöguleika. Cisco kynnti nýverið tvo nýja senda, CW9176 og CW9178, og miðað við íslenskan markað er CW9176 sérstaklega áhugaverður vegna fjölbreyttra eiginleika og notkunarmöguleika.

CW9176 sendirinn býður upp á stuðning við 2,4-, 5- og 6GHz Wi-Fi tengingar, innbyggðan GPS (GNSS), Ultra-Wideband (UWB) og BLE. Sendinn virkar á 30W afli án UPOE, þó með smávægilegum skerðingum á afköstum – til dæmis lækkar uplink í 2,5 Gbps, 2,4 GHz bandið fer í 2×2 MIMO og USB-tengi verður óvirkt. Þessar takmarkanir ættu þó ekki að hafa veruleg áhrif á algenga notkun.

Möguleikar CW9176 sendisins ná langt út fyrir hefðbundnar þráðlausar tengingar, sjá eftirfarandi:

Nákvæm staðsetning og rekjanleiki: Sendirinn styður tæknilausnir fyrir nákvæma staðsetningu tækja í rauntíma, sem getur verið sérlega gagnlegt á svæðum þar sem búnaður gengur manna á milli, eins og í vöruhúsum eða á sjúkrastofnunum.
Wayfinding: Í verslunarumhverfi er hægt að bjóða viðskiptavinum upp á leiðsögu í gegnum snjallforrit, sem auðveldar leit að vörum og bætir upplifun viðskiptavina.
Hot desking og rýmisnýting: Sendirinn gerir okkur kleift að fylgjast með aðgengi að vinnurýmum og loftgæðaskynjurum í rauntíma, sem einfaldar stjórnun sveigjanlegra vinnusvæða.
Greining og innsýn: Með tækni eins og BLE og UWB er hægt að greina hegðun tækja, kortleggja fjölsótt svæði og safna gögnum um umferðarmynstur innan bygginga.

Með þessum nýjungum býður CW9176 upp á margvíslega möguleika sem geta aukið skilvirkni og bætt notendaupplifun í fjölbreyttum rekstrarumhverfum.

Meðfylgjandi er fyrirlesturinn um Wi-Fi 7 frá Sensa deginum 2025 þar farið er yfir helstu atriði.

Höfundar bloggsins er Hörður Jóhannsson, leiðtogi þráðlausra netlausna hjá Sensa.

Tækifæri til að læra um Apple-umsjónarkerfi

Við hjá Sensa höfum áralanga reynslu í Jamf umsjónarkerfinu og vinna okkar færustu Apple sérfræðingar við þjónustu við Jamf en Jamf er leiðandi aðili í Apple tæknilausnum.

Jamf mun heimsækja okkur í Reykjavík þann 12. og 13. maí 2025 næstkomandi og er þetta er einstakt tækifæri fyrir skóla, sveitarfélög og IT starfsmenn að kynnast og læra af sérfræðingum Jamf í notkun Jamf Pro og Jamf School sem eru tvö öflug umsjónarkerfa fyrir Apple tæki.

Viðburðirnir verða með tvennu sniði:

Morgunverðarfundur með Jamf School – 12. maí kl. 8:30–14:00
Á þessum fundi munu Jamf sérfræðingar kynna nýjustu þróun í Apple-umsjón ásamt kynningu frá Apple fræðslusérfræðingi og munu þeir fara yfir hvernig Jamf lausnir bæta öryggi, framleiðni og námsumhverfi. Dýpri kynning á Jamf eftir hádegið sem hentar sérstaklega fyrir stærri skóla og sveitarfélög sem þurfa sérsniðna umsjón og öflugar öryggisstillingar.
Kynningarfundur á Jamf Pro – 13. maí kl. 10:00–12:00
Jamf Pro er mikið notað í fyrirtækjum, sveitarfélögum og heilbrigðisþjónustu þar sem þarf að hafa stjórn á miklum fjölda Apple tækja, en samt tryggja sveigjanleika fyrir notendur.

Við hvetjum alla sem starfa með Apple tæki í að nýta þetta einstaka tækifæri til að dýpka þekkingu sína og bæta nýtingu tækjanna í kennslu og stjórnun tækja.

Skráning á fundina hér:

Morgunverðarfundur Jamf school – 12. maí
Kynningarfundur á Jamf Pro – 13. maí

Sensa valið samstarfsaðili ársins 2024 hjá Fortinet

Sensa hefur verið valið samstarfsaðili ársins þriðja árið í röð hjá Fortinet. Við höfum sýnt hversu öflugt teymi við erum þegar það kemur að netöryggi.

Okkar fókus á sölu- og innleiðingu á samblöndu af IT og OT öryggi hefur hjálpað fjölmörgum af mikilvægustu fyrirtækjum landsins með flóknar þarfir að tryggja betur upplýsingakerfi sín.

Þess má einnig geta að Sensa átti Champion of the Year 2024, Bergstein Árnason. Bergsteinn var á liðnu ári leiðandi í öryggisráðgjöf og innleiðingu lausna fyrir OT kerfi. Frumkvæði, þjónustulund og metnaður voru einkunnarorð viðskiptavina um Bergstein.

Við erum stolt af okkar fólki og að hljóta þessa viðurkenningu hjá Fortinet þriðja árið í röð.

Svikapóstar í formi staðfestingar á CAPTCHA’s

Sensa vill vara við mikilli aukningu á svikapóstum þar sem verið er að blekkja fólk með sönnun um að vera ekki vélmenni „Verify you are Human„. Dæmi um svikapóst af þessu tagi er eins og eftirfarandi myndir sýna.

Einnig er gjarnan beðið um að framkvæma aðgerðir á lyklaborðið. Þetta getur átt sér stað þegar verið er að vafra á netinu, sækja forrit eða myndefni til að horfa á. Sensa hvetur viðskiptavini til að fara varlega þegar kemur að svikapóstum af þessu tagi.

Takk fyrir komuna á Sensa daginn 2025

Við viljum þakka öllum sem tóku þátt í Sensa deginum með okkur og gerðu hann að stórkostlegum viðburði. Skráningin gekk mjög vel og þurfti að loka fyrir hana vegna mikillar eftirspurnar.

Dagskráin var fjölbreytt og áhugaverð, með fyrirlestrum frá bæði íslenskum og erlendum sérfræðingum sem fjölluðu um gögn í víðu samhengi. Þátttakendur fengu að njóta góðs af hagnýtri reynslu og þekkingu fyrirlesara á tveimur fyrirlestrarlínum: stjórnendalínu og tæknilínu.

Takk aftur fyrir að taka þátt í deginum með okkur og sjáumst aftur að ári.

Sensa dagurinn 13. mars – Skráning hafin

Við viljum bjóða ykkur velkomin á Sensa daginn. Þema dagsins eru gögn og hvernig þau geta skapað ný tækifæri, hvernig þau eru varin, meðhöndluð og aukið samkeppnishæfni. Á ráðstefnunni munum við fá til okkar þekkta erlenda fyrirlesara sem munu deila með okkur innsýn í þróun og nýtingu gagna, öryggi og samvinnu.

Okkar helstu birgjar verða með bása á staðnum þar sem hægt er að kynna sér nýjustu lausnirnar á markaðnum.

Húsið opnar 12:00 og hefst dagskrá stundvíslega 12:30.

Kynntu þér dagskrána hér að neðan.

Nýir tímar með Wi-Fi 7: Morgunverðarfundur

Sensa býður til morgunverðarfundar fimmtudaginn 6. febrúar þar sem Erik Midthun, Technical Solutions Architect hjá Cisco, verður á staðnum og skoðar framtíðina með Wi-Fi 7. Fundurinn hefst stundvíslega kl. 9:00 og er morgunverður í boði frá kl. 8:30.

Dagskrá:

Fréttir frá Cisco Wireless
– Stutt kynning á Wi-Fi 7
– Nýjasta kynslóðin af Catalyst Wireless Wi-Fi 7 aðgangspunktum
– Nýjasta kynslóðin af Catalyst Wireless Controllers
Cisco Spaces – The OS for Smart Spaces
– Öflugasta netið fyrir tengingar sem getur líka verið netið fyrir snjallrými

Skráðu þig á fundinn með því að fylla út formið hér að neðan.

Fyrirhugaðar verðbreytingar á Microsoft áskriftum

Á dögunum tilkynnti Microsoft fyrirhugaðar verðbreytingar á áskrifaleiðum á Microsoft 365. Boðuð er 5% hækkun á öllum Microsoft 365 áskriftum sem eru með 12 mánaða skuldbindingu en greiddar mánaðarlega. Athugið að breytingin á ekki við um 12 mánaðaáskriftir sem greiddar eru árlega.

Teams Phone hækkar um 25% sem stök vara.
Power BI Pro hækkar um 40% sem stök vara.
Power BI Premium hækkar um 20% sem stök vara.

Verðbreytingin tekur gildi frá og með 1. apríl 2025.

Hafir þú spurningar í ljósi verðbreytinganna, vinsamlegast hafið samband við þinn viðskiptastjóra ef einhverjar spurningar vakna og/eða til að kanna hvort önnur leyfi séu betur tilfallin.

Morgunverðarfundur: Öryggislausnir Cisco

Sensa býður til morgunverðarfundar þann 28. janúar næstkomandi þar sem sérfræðingar Cisco, John Aleksander Moen og Per Arne Sørkilflå, verða á staðnum og kynna það nýjasta í öryggislausnum.

Fundurinn verður haldinn að Lynghálsi 4, 5. hæð.

Dagskrá:

Secure Networking
Identity & Multicloud
E2E segmentation

Secure Services Edge
Centralized Remote Access (VPN as a Service)
Content filtering

Cisco hefur leitt tækniþróun í heiminum á sviði netbúnaðar og öryggislausna frá því að það var stofnað 1984. Sensa hefur verið stoltur Cisco Gold Integrator samstarfsaðili frá 2007 en viðurkenningin tryggir m.a. aðgengi að lausnum og sérfræðiþekkingu á heimsmælikvarða.

Skráðu þig á fundinn með því að fylla út formið hér að neðan.

Er kominn tími til að taka aðeins til eða snúa öllu á hvolf?

Hugtökin „stafræn vegferð“, “stafræn umbreyting” og “stafrænar umbætur” eru oft í umræðunni og er þessum hugtökum gjarnan blandað saman og notuð um fjölbreytt verkefni sem eru talsvert ólík í stærð og umfangi. Stafræn verkefni geta kallað á afar misjafna umgjörð sem dæmi umfangsmikla þarfagreiningu, breytingarstjórnun, hugarfarsbreytingu og þjálfun starfsfólks og stjórnenda að vinna með nýtt skipulag, að sjálfvirknivæða eða besta núverandi ferla og kerfi.

Þar sem markmið og umfang verkefna getur verið mjög ólíkt, þá falla verkefni misvel undir þessar þrjár skilgreiningar. Með því að nota hugtökin á markvissari hátt er hægt að komast betur að kjarna þess sem um ræðir hverju sinni og þá hvort að það sé verið að taka aðeins til eða snúa öllu á hvolf.

Hver er þá munurinn á þessum hugtökum?

Stafræn vegferð sem samnefnari (e. Digital Journey) getur verið samnefnarinn yfir alla stafræna þróun – allt frá smáum umbótaverkefnum til stórra umbreytinga.

Stafrænar umbreytingar (e. Digital transformation) fela í sér grundvallarbreytingar á rekstri, þjónustu eða jafnvel viðskiptamódeli fyrirtækis/stofnunar. Þetta krefst iðulega hugarfarsbreytinga hjá stjórnendum og starfsfólki og nýrra nálgana á virðissköpun. Þetta gæti til dæmis átt við þegar fyrirtæki hættir algerlega hefðbundinni þjónustu og snýr sér að fullkomlega stafrænum leiðum, breytir skipulagi og þróar nýjar tekjuleiðir. Dæmi um stafrænar umbreytingar:

Netflix vs. Blockbuster – þegar við hættum að fara út í vídeóleigu til að leigja og skila myndum og í stað þess er hægt að nálgast efnið stafrænt
Íslensku bankarnir lokuð flestum útibúum sínum og viðskiptavinum var bent í stað að hjálpa sér sjálfir í heimabanka eða appi

Stafrænar umbætur (e. Digital optimization) vísa til betrumbóta á því sem þegar er til staðar, t.d. fínstillingu ferla, sjálfvirknivæðingu eða lækkun á rekstrarkostnaðar. Umfangið er minna en getur skilað skjótri ávinningi og hagræðingu. Gæti það átt við þegar á að bæta núverandi kerfi, stytta afgreiðslutíma, koma í veg fyrir villur, auka gæði og gera verkferla skilvirkari, án þess að endurskilgreina meginstefnur. Dæmi um stafrænar umbætur:

Færa umsóknir og samninga í rafrænt form, eins og ríkið og bankar hafa verið að vinna að um árabil
Notast við spjallmenni til að svara fyrirspurnum frá viðskiptavinum
Hraðlar eru gott verkfæri til að flýta umbótum enn frekar

Ávinningur þess að greina betur á milli

Það er ágætis á vinningur að greina á milli hugtakanna því það gefur okkur skýrari forgangsröðun. Með því að greina hvort verkefni sé umbóta- eða umbreytingarverkefni skýrast markmið og umfang betur og því verður auðveldara að sjá fyrir sér þann tíma, fjármagn og mannafla sem hvert verkefni krefst. Markviss samskipti svo við getum skýrt betur út fyrir starfsfólki og stjórnendum hvað er átt við hverju sinni. Erum við fara í umbætur á því sem er til staðar eða erum við að umbreyta þjónustu okkar eða hvernig við vinnum. Samræmt skipulag með því að nota sömu skilgreiningarnar á hugtökunum verður auðveldara að miðla upplýsingum, efla samvinnu og skilning á verkefnunum og því sem koma skal.

Höfundur:
Andri Örvar Baldvinsson, leiðtogi Stafrænna lausna hjá Sensa

Gleðilega hátíð

Við óskum ykkur gleðilegra jóla og farsældar á komandi ári. Sensa þakkar fyrir viðskiptin á árinu sem er að líða og hlökkum til samstarfsins á komandi ári.

Hátíðarkveðjur,

starfsfólk Sensa

Þjónustukönnun Sensa

Þjónustukönnun Sensa stendur nú yfir. Könnunin er send á viðskiptavini og samstarfsaðila og gefur könnunin okkur nauðsynlega innsýn í upplifun viðskiptavina af ýmsum þáttum þjónustunnar. Okkur þætti vænt um að fá þitt álit með þinni þátttöku. Könnunin er framkvæmd og send út af Prósent og er gert ráð fyrir að hún standi yfir í þrjár vikur. Þrír heppnir þátttakendur verða dregnir út og hljóta 20.000 króna gjafabréf hjá Dineout.

Það tekur um tvær til fjórar mínútur að svara könnuninni og er það okkur ákaflega mikilvægt að fá sem besta svörun.

Við þökkum viðskiptavinum kærlega fyrir þátttökuna og fyrir að hjálpa okkur að bæta þjónustuna.

Frá hugmynd að árangri: Lærdómur úr 300 AI verkefnum

Sensa og Henrik Slettene, hjá Crayon, bjóða til rafræns fræðslufundar þann 12. desember næstkomandi kl 9:00-10:00. Henrik starfar sem leiðtogi Nordic AI Centre of Excellence hjá Inmeta Consulting hjá Crayon og hefur verið í fremstu röð hvað varðar gervigreind. Gert er ráð fyrir umræðu í lok fundar. A.T.H. fundurinn fer fram á ensku og er haldinn á teams.

Á fundinum mun Henrik fara yfir nokkur af þeim 300 AI verkefnum sem hann hefur unnið að, hvað lærdóm teymið hefur dregið af verkefnunum ásamt því að gefa nokkur ráð um hvernig eigi að byrja og ná árangri með gervigreind.

Gervigreindin býður upp á margar víddir umfram spjallmenni og úrvinnslu texta. Á fyrirlestrinum verða tekin dæmi um hagnýta gervigreind í orku-, framleiðslu- og opinbera geiranum. Áherslan verður lögð á að útskýra að gervigreindin snýst ekki eingöngu um tækni heldur að leysa áskoranir fyrirtækja og skapa virði. Henrik mun fara yfir nokkur raundæmi frá mismunandi fyrirtækjum í Noregi og á alþjóðavísu.

Henrik Slettene er leiðtogi Nordic AI Centre of Excellence í Inmeta Consulting, Crayon. Hann hefur yfir 20 ára reynslu af ráðgjöf og stjórnun hjá upplýsingatæknifyrirtækjum. Henrik hefur víðtæka reynslu sem ráðgjafi innan fjölda atvinnugreina, þar á meðal varnarmálum, orku, framleiðslu, olíu og gas, gögnum, greiningar og gervigreindar í viðskiptasamhengi.

Sensa styrkir Styrktarfélag krabbameinssjúkra barna

Sensa hefur um árabil haldið í hefðir. En nú kemur að því að hefðir breytast og í ár ætlum við að breyta einni hefð og hefja nýja. Við höfum tekið ákvörðun um að gefa jólagjafir í nafni viðskiptavina Sensa í góðgerðarmál. Börn og unglingar eru ofarlega í huga þegar kemur að styrktarmálum hjá Sensa og hlýtur Styrktarfélag krabbameinssjúkra barna 1.000.000 krónur í styrk. Við kunnum okkar viðskiptavinum miklar þakkir fyrir viðskiptin á árinu sem er að líða og óskum ykkur gleðilegra jóla.

Frá Styrktarfélag krabbameinssjúkra barna:

SKB styður börn með krabbamein og fjölskyldur þeirra en 12-14 börn greinast með krabbamein á Íslandi á ári. Þegar það gerist verður öll fjölskyldan fyrir áfalli og þarf á stuðningi að halda.

SKB greiðir fyrir ýmiss konar stuðning, s.s. sálfræðimeðferðir, sjúkraþjálfun, almenna heilsurækt og endurhæfingu, en býður líka upp á félagsstarf og jafningjastuðning fyrir foreldra barna í krabbameinsmeðferð og margskonar félagsstarf og dægrastyttingu.

Við þökkum kærlega fyrir myndarlegan styrk sem mun nýtast til að styrkja börn í aðstæðum sem enginn vill vera í.

Enn eitt kerfið…

Ertu með leiða á að kaupa enn eitt kerfið?

Til að leysa staka verkferla er oft mælt með því að kaupa ný kerfi. Við höfum átt samtöl við viðskiptavini okkar og orðið vör við ákveðin þreytumerki þegar kemur að vali á kerfum. Það er skiljanlegt þar sem mörg kerfi sem er verið að mæla með eru með öllum þeim eiginleikum sem viðskiptavinir þurfa á að halda og gott betur, en þeim fylgja þá líka umsýsla og mánaðarleg gjöld. Rekstur getur orðið þungur ef að fjöldi kerfa fer úr böndunum með tilheyrandi kostnaði í sérfræðiþekkingu og í leyfisgjöldum.

Því miður er of sjaldan litið til þess að nýta það sem þegar er til staðar. Mörg fyrirtæki hafa nú þegar aðgang að Microsoft 365 (M365) og Atlassian (Jira, Assets & Confluence). Þar geta leynst verkfæri sem leysa fjölmörg verkefni án fjárfestinga í nýjum kerfum og þar koma hraðlar (e. Accelerator) sterkir inn.

Hvað eru hraðlar?

Hraðlar eru byggðir á þeim kerfum sem viðskiptavinur er nú þegar með. Hraðlar gera það að verkum að í stað þess að forrita lausnina frá grunni þá er búið að vinna ákveðna grunnvinnu sem kallast hraðall sem er þá nýttur fyrir verkefnin sem þarf að leysa.

Munurinn á hraðli og fullbúnu kerfi

Hraðall einblínir á að leysa ákveðin verkefni með því að nota þau kerfi sem eru til staðar. Það getur leitt til lægri kostnaðar ásamt því að séraðlögun að ferlum er möguleg.

Fullbúið kerfi er hannað til þess að sinna fjölbreyttum verkefnum. Er oftast í áskriftarmódeli.

Stundum er fjárfesting í stóru og flóknu kerfi eins og að kaupa stórt verkfærabox þegar það þarf í raun bara eitt skrúfjárn. Þú endar með fullt af eiginleikum sem þú notar ekki en borgar samt fyrir þá.

Dæmi um hraðla eru til dæmis umsjónarkerfi samninga í SharePoint sem gerir notendum kleift að skrá samninga á skipulagðan hátt, notast við rafrænar undirskriftir og fá áminningar þegar samningar eru að renna út eða þarfnast endurnýjunar.

Annar hraðall er gestamóttökulausn sem býður upp á að skrá gesti, halda utan um komu þeirra og láta þann sem gesturinn á fund með vita með SMS og tölvupósti.

Kostir þess að nota hraðla

Kostnaðarhagkvæmni: Engin mánaðargjöld, aðeins uppsetningarkostnaður og aðlögun

Þægileg innleiðing: Innleiðing tekur skemmri tíma og starfsfólk vinnur í umhverfi sem það þekkir vel

Nýting á núverandi kerfum: Fyrri fjárfestingar í skýjaþjónustum nýtast betur

Sveigjanleiki: Hægt að aðlaga hraðla að sérþörfum

Öryggi: Gagnaöryggi er tryggt með innbyggðum öryggisstöðlum skýjalausnar

Aukið aðgengi: Með rafrænum lausnum verða þær aðgengilegar í snjalltækjum og auðvelt fyrir starfsfólk að skrá og nálgast upplýsingar hvar og hvenær sem er

Að lokum og áður en næsta stóra kerfið er keypt, þá gæti verið skynsamlegt að skoða hvað sé til staðar og hvort að það séu til hraðlar til að leysa einstök verkefni. Með því að kanna möguleikana sem felast í skýjaþjónustum og nýta þá hraðla sem eru til, geta fyrirtæki og stofnanir fundið hagkvæmari og skilvirkari lausnir til þess að leysa aðkallandi verkefni.

Dæmi um hraðla:

Samningaumsjón

Gæðahandbækur

Innskráningarkerfi

Afmælisdagatöl fyrir starfsfólk

Verkefnastjórnun

Birting á matseðli

Ábendinga- og málakerfi

Brú milli innri og ytri verkferla í SharePoint

Rafræn eyðublöð og spurningalistar

Réttindaskýrsla fyrir öryggisstjóra

Nýliðamóttaka fyrir nýtt starfsfólk

Viðurkenningarviðmót fyrir starfsfólk

Útgjalda utanumhald fyrir starfsfólk

NIS og DORA umgjörð

Stjórnkerfi öryggis

Umgjörð fyrir áhættustýringu kerfa í rekstri

Næst þegar þú stendur frammi fyrir vali á nýju kerfi, skaltu íhuga hvort lausnin gæti legið í því að nýta betur það sem er til staðar. Það gæti sparað bæði tíma, peninga og skapað meiri heildarsýn og samræmi í starfseminni.

Hvað getur Sensa gert fyrir þig?

Sensa hefur áralanga reynslu í að aðstoða fyrirtæki í sinni stafrænu vegferð. Með því að styðjast við þá hraðla sem við eigum fyrir Microsoft 365 eða Atlassian, auðveldum við innleiðingarferli mikið og náum betri nýtingu úr fyrri fjárfestingum.

Ef þú vilt auka samkeppnishæfni, skilvirkni í rekstri og nýta tækifærin sem stafrænar umbætur bjóða upp á, þá er Sensa rétti samstarfsaðilinn. Teymi Stafrænna lausna tekur verkefnið áfram með þér. Hafðu samband við ráðgjafa Sensa til að hefja stafrænt ferðalag með okkur.

Ef þú hefur áhuga á að skoða þá fjölbreyttu möguleika sem notkun hraðla býður upp á þá er hægt að kynna sér hraðla betur -> www.sensa.is/hradlar

Höfundur: Andri Örvar – leiðtogi Stafrænna lausna.

Sensa er Framúrskarandi fyrirtæki

Sensa tók við Framúrskarandi vottuninni fimmtánda árið í röð. Vottun Framúrskarandi fyrirtækja er vottun um heilbrigða starfsemi í hraustum rekstri. Einnig sýnir vottunin fram á vönduð vinnubrögð Sensa og er það mikilvægur þáttur í að efla traust viðskiptavina og samstarfsaðila. Við erum þakklát fyrir öflugt starfsfólk sem liggur að baki rekstri Sensa.

Morgunverðarfundur með F5 hjá Sensa

Sensa í samstarfi við Arrow bjóða til morgunverðarfundar með F5 þriðjudaginn 29. október næstkomandi. Fundurinn verður haldinn að Lynghálsi 4, 5. hæð og er skráning hafin.

Fyrirlesarar koma frá F5 og eru það Jeppe Koefoed, SE Manager for the Nordics at F5 og Anton Gyllenhammar, Solutions Engineer Specialist – Distributed Cloud & Security at F5.

Dagskrá:

08:30 Húsið opnar
09:00 Dagskrá hefst
09:15 Securing applications and APIs
10:00 Hlé
10:15 BIG-IP Hardware and F5OS journey
11:15 Fighting fire with Fire – using AI to assist in securing applications

F5 er leiðandi fyrirtæki í álagsdreifingu, umferðarstjórn og öryggi. Þjónustuframboð F5 er meðal annars vefvarnir (Web Application Firewall/WAF), DdoS varnir, fjölskýjalausnir (MultiCloud solutions) og sjálfvirkni
(Automation & Orchestration).

Takk fyrir komuna á kynningarfund NIS2 og DORA

Við þökkum ykkur kærlega fyrir komuna á kynningarfund á nýju regluverki NIS2 og DORA.

Nýtt regluverk er varðar net- og upplýsingaöryggi er framundan í íslensku samfélagi. Innleiðing NIS2 og DORA þýðir fyrir fyrirtæki sem munu falla undir gildisvið laganna og fyrir fyrirtæki sem munu vilja geta þjónustað viðkomandi fyrirtæki. NIS2 og DORA eru reglugerðir sem gera miklar kröfur til stjórnenda viðkomandi fyrirtækja um stjórnkerfi í kringum verndun net- og upplýsingakerfa mikilvægra innviða. Efstu stjórnendalög þurfa að vera mjög meðvituð um umgjörð og rekstur stjórnkerfisins, þurfa að staðfesta stjórnskipulagið formlega, hafa yfirsýn yfir innleiðingu þess og rekstur og bregðast við ef skortur er á hlítingu. Unnið er að upptöku NIS2 og DORA í íslenskan rétt. Jafnvel þó svo að regluverkið hafi enn ekki tekið gildi er þó ljóst að mikilvægt er fyrir fyrirtæki og stofnanir að hefja undirbúning.

Við hlökkum til að halda áfram samtalinu með ykkur og veita fyrirtækjum og stofnunum ráðgjöf við að fara í gegnum þessar reglugerðir á skilvirkan hátt. Hafðu samband við okkur fyrir nánari upplýsingar.

Hvar ertu í stafrænu vegferðinni?

Vinnustaðir eru komnir mislangt í sinni stafrænu vegferð og eru ástæður misjafnar sem dæmi er tækniskuld mismikil, starfsfólk er mis móttækilegt fyrir breytingum, þarfir starfsmanna og fyrirtækja ólíkar og ferlar og yfirsýn misgóð.

Stafrænar umbætur eru stöðugt ferli sem krefst endurmats og aðlögunar þegar ný tækni kemur fram. Ný tækni getur haft áhrif á hvernig fyrirtæki forgangsraða verkefnum og ferlum. Góð dæmi um þetta eru gervigreind og sjálfbærni en það kallar á að fyrirtæki endurmeti ferla sína til að nýta nýja möguleika sem þessi tækni býður upp á.

Hvar er best að byrja?

Þegar kemur að stafrænum umbótum er af nógu að taka. Spurningin er því hvar skal byrja og hvar mesti ávinningurinn skapast með innleiðingu stafrænna umbóta.

Eru það umbætur á vefverslun til að halda í eða auka tekjur?
Að bæta þjónustu við viðskiptavini?
Að taka mannshöndina úr óskilvirkum ferlum til að lækka kostnað?
Að auka starfsánægju?
Að fá betri innsýn í reksturinn með skýrslum?
Eða er það að fara í kerfislegar umbætur til að auka gæði og minnka áhættur í rekstri?

Þegar stafræn vegferð hefst og þekking byrjar að myndast, verða næstu verkefni auðveldari / @visualsbymelodie

Það er ekki óalgengt að fyrstu stafrænu umbótarverkefnin skili mestum ávinningi, en eftir að líður á vegferðina verður forgangsröðun sífellt mikilvægari til að næstu verkefni skili ávinningi. Þar skiptir greining og umfangsmat mestu máli til að hægt sé að taka góðar ákvarðanir.

Stafrænar umbætur á vinnustað

Ímyndaðu þér að þú vinnir á vinnustað þar sem allir fyrirtækjaferlar eru óaðfinnanlegir, flestir verkferlar eru sjálfvirkir, upplýsingagjöf er framúrskarandi og starfsfólk er laust undan pressunni sem fylgir því að ýta á eftir brothættum ferlum.

Það er ekki erfitt að ímynda sér að þessi framtíðarsýn stuðli að hagræðingu, hærri gæðum auk aukinnar ánægju starfsmanna og viðskiptavina.

Það er mikilvægt að minnast á að vinnustaðamenning spilar stórt hlutverk í að ná fram ávinningi stafrænna umbóta. Með því að efla þáttöku starfsmanna og að þeir hafi greiða leið að setja sitt mark á vegferðina er t.d. hægt að stuðla að því að stafrænar umbætur verði órjúfanlegur hluti af vinnustaðarmenningunni og daglegum verkefnum starfsmanna.

A group of colorful blocks Description automatically generated with medium confidence

Endurmat á fyrri ákvörðunum / @visualsbymelodie

Að setja sér stefnu í stafrænum umbótum er mikilvægt framfaraskref og opnar á nýja möguleika. Ný stefna kallar á endurskoðun ákvarðana sem hafa verið teknar og að þær séu endurmetnar í samhengi stafrænna umbóta. Innleiðing á stafrænum umbótum ásamt vel útfærði stefnu eru lykilatriði auk framleiðni starfsmanna, hagræðingu og straumlínulöguðum rekstri til að fyrirtæki nái að auka samkeppnishæfni sína og skilvirkni í rekstri.

A cartoon of a ladder and a ladder Description automatically generated with medium confidence
Þegar markmiðum og kerfum er blandað saman þá næst árangur / @visualsbymelodie

Með því að nota tæknina til umbóta er hægt að samræma markmið og stefnur vinnustaðarins til að auka sjálfbærni og samkeppnishæfni til lengri tíma og er þessum markmiðum náð með því að hámarka nýtingu auðlinda og þar með stuðla að áframhaldandi vexti.

Framtíðarsýn

Að mörgu leyti er framtíðarsýn stafrænna umbóta að verða að veruleika og ávinningur hennar byrjaður að skila sér hjá mörgum fyrirtækjum. Það þýðir samt ekki að áskoranirnar séu ekki til staðar þegar kemur að innleiðingum stafrænna umbóta og að aðferðir gærdagsins duga kannski skammt við það sem morgundagurinn krefst. Með því að setja sér stefnu og tileinka sér nýja tækni og vera í stöðugri endurskoðun við nálganir sínar með nýjum áherslum sem auka hagræðingu, gæði og ánægju starfsfólks sem er svo sannarlega þess virði.

Hvernig getur Sensa hjálpað?

Sensa hefur áralanga reynslu í að aðstoða fyrirtæki í sinni stafrænu vegferð. Með því að styðja við viðskiptavini okkar getum við greint ferla og metið hvar mesti ávinningurinn liggur og unnið samhliða verkefni í stafrænum umbótum sem leiða til framfara.

Ef þú vilt auka samkeppnishæfni, skilvirkni í rekstri og nýta tækifærin sem stafrænar umbætur bjóða upp á, þá er Sensa rétti samstarfsaðilinn. Teymi Stafrænna lausna tekur verkefnið áfram með þér. Hafðu samband við ráðgjafa Sensa til að hefja stafrænt ferðalag með okkur.

Höfundur: Andri Örvar – leiðtogi Stafrænna lausna.

Sensa valið Samstarfsaðili ársins hjá Fortinet

Sensa var valið Samstarfsaðili ársins hjá Fortinet fyrir árið 2023 en það er annað árið í röð sem Sensa fær þessa viðurkenningu. Árangur Sensa með Fortinet lausnum hefur verið eftirtektarverður á liðnum árum en á bak við viðurkenninguna stendur stór hópur sérfræðinga hjá Sensa í öryggis-, net- og þráðlausum lausnum Fortinet.

Sensa hefur fjárfest í þekkingu starfsmanna í Fortinet lausnum sem og að kynna nýjar Fortinet lausnir fyrir núverandi og nýjum viðskiptavinum. Sensa hefur öðlast mikla reynslu í hönnun, uppsetningu og rekstri á lausnum frá Fortinet fyrir bæði hefðbundin skrifstofuumhverfi sem og í framleiðslunetum fyrir bæði orku- og sjávarútvegsfyrirtæki.

Við erum einstaklega stolt af þessari viðurkenningu og þökkum kærlega fyrir okkur.

Eydís Eyland ráðin markaðsstjóri Sensa

Eydís Eyland hefur verið ráðin markaðsstjóri Sensa. Hún er með B.Sc. í markaðs- og alþjóðaviðskiptum og M.Sc. í verkefnastjórnun frá Háskóla Íslands. Eydís starfaði áður sem markaðsstjóri OK og þar áður hjá Promennt og Verkefnalausnum en einnig kenndi Eydís verkefnastjórnun hjá Promennt. Fram að því starfaði hún sem sérfræðingur á markaðssviði Valitor og þar áður hjá Viðskiptablaðinu. Sjá frétt.

Kynningarfundur á nýju regluverki, NIS2 og DORA

Morgunverðarfundur í boði LOGOS og Sensa

LOGOS og Sensa bjóða til morgunverðarfundar þar sem tilgangurinn er að varpa ljósi á nýtt regluverk er varðar net- og upplýsingaöryggi.

Sérstök áhersla verður lögð á að fara með praktískum hætti yfir það hvaða skyldur regluverkið mun leggja á fyrirtæki og stofnanir og hvaða lausnir er hægt að nýta til að tryggja framfylgni.

Morgunverðarfundurinn verður haldinn á Hilton Reykjavík Nordica þann 10. október næstkomandi og hefst kl. 8:30 og stendur til kl. 10:30 og er hægt að skrá sig HÉR

NIS2 (Network and Information Security Directive 2) er alhliða netöryggistilskipun sem hefur það að markmiði að bæta net- og upplýsingaöryggi rekstraraðila á mismunandi sviðum atvinnulífsins. Töluvert fleiri fyrirtæki og stofnanir munu falla undir NIS2 tilskipunina heldur en samkvæmt gildandi löggjöf um netöryggi. NIS2 tilskipunin leggur margvíslegar skyldur á aðila að innleiða fyrirbyggjandi ráðstafanir til að koma í veg fyrir eða takmarka tjón af atvikum, kröfur til eftirlits sem og kröfur er lúta að tilkynningarskyldu og viðbragða komi til atvika í rekstri.

DORA (Digital Operation Resilience Act) mun hafa áhrif á allan fjármálamarkaðinn. Reglugerðin gerir kröfur til áhættustýringa og lögð er áhersla á gott stjórnskipulag upplýsingaöryggis með aðkomu og eftirliti stjórnar. Gerðar eru ríkar kröfur til skjölunar verkferla, til skráninga, tilkynninga og viðbragða við frávikum sem verða í rekstrinum. Þá gerir reglugerðin ríkar kröfur til eftirlitsskyldra aðila sem nýta sér þjónustu þriðju aðila.

Ábyrgð æðstu stjórnenda þeirra fyrirtækja og stofnana sem heyra undir regluverkið er umtalsverð og geta stjórnendur verið gerðir persónulega ábyrgir í tilgreindum tilvikum.

Unnið er að upptöku NIS2 og DORA í íslenskan rétt. Jafnvel þó svo að regluverkið hafi enn ekki tekið gildi er þó ljóst að mikilvægt er fyrir fyrirtæki og stofnanir að hefja undirbúning.

Lagalega umhverfið: Hvaða skyldur munu hvíla á fyrirtækjum og stofnunum á grundvelli þessa regluverks? Hvert er hlutverk stjórnenda og hver er ábyrgð þeirra? – Áslaug Björgvinsdóttir, Eigandi LOGOS

Hvað er átt við með stjórnskipulagi net- og upplýsingaöryggis? Hvað þýðir það fyrir fyrirtæki – Guðmundur Stefán Björnsson, öryggisstjóri Sensa

Hvaða lausnir eru í boði til að hjálpa fyrirtækjum að mæta áskoruninni sem fylgir því að innleiða löggjöfina – Steingrímur Óskarsson, tæknistjóri Sensa

Takk fyrir komuna á golfmót Sensa

Sensa hélt sitt árlega golfmót fimmtudaginn 29. ágúst síðastliðinn sem að þessu sinni fór fram á glæsilegum velli GR í Grafarholti. Þátttakendur voru um 100 talsins og var leikfyrirkomulagið Texas Scramble. Veðrið lék við þátttakendur sem nutu sín við frábærar aðstæður og sýndu margir hverjir glæsileg tilþrif. Veitt voru verðlaun fyrir þrjú efstu sætin, lengsta drive og nándarverðlaun.

Við þökkum öllum kærlega fyrir komuna og vonumst til að sjá ykkur aftur að ári.

Sensa ásamt Arctic Wolf bjóða til morgunverðarfundar

Er þitt fyrirtækið varið gegn aukinni sókn netglæpamanna?

Sensa, ásamt netöryggisfyrirtækinu Arctic Wolf bjóða til morgunverðarfundar þriðjudaginn 3. september næstkomandi hjá Sensa að Lynghálsi 4, 5. hæð.

Viðfangsefni fundarins:

Evróputilskipanir framundan, NIS2 og DORA: Ábyrgð á hlítingu liggur hjá stjórnendum fyrirtækja - Guðmundur Stefán Björnsson, öryggisstjóri Sensa.
Atburðarrás árása, hvernig verjumst við hökkurum - Ari Þór Guðmannsson, Senior Sales Engineer, Arctic Wolf.
Reynslusaga: Innleiðing Artic Wolf hjá Arnarlax - Helgi Kemp, kerfisstjóri Arnarlax.
State of the Art Cyber Defense - Dr. Sebastian Schmerl, VP Security Services EMEA, Arctic Wolf.

Húsið opnar kl. 8:30 með morgunmat og hefst dagskrá stundvíslega kl. 9:00 og stendur til kl. 11:00.

Dr. Sebastian Schmerl,
VP Security Services EMEA

Dr. Sebastian hefur yfir 18 ára reynslu í netvörnum og þróun á öryggisvöktun upplýsingatæknikerfa (SOC). Hann hefur unnið með alþjóðafyrirtækjum eins og Daimler, Volkswagen, Bosch, Datev, Bayer og Computacenter. Hann er Certified Information Security Manager (CISM) og Certified Information Security Auditor (CISA) og meðlimur í EU/ENISA – Working Group on Security Operation Centres (SOCs) for Alignment of Cyber-Protection for the EU region.

Arctic Wolf er leiðandi fyrirtæki í netöryggismálum og býður upp á vernd sem er sérsniðin að þörfum fyrirtækja og stofnana. Fyrirtækið rekur öfluga miðlæga öryggisvöktun (SOC) sem er mönnuð allan sólarhringinn.

Arctic Wolf greinir öryggisógnir hratt og bregst við í rauntíma. Með því að nýta sér gagnagreiningu, vélnám (e. machine learning) og flókna ferla við vinnslu atburða veitir Arctic Wolf yfirsýn sem þarf til að sjá heildarmyndina við öryggisógnir í rauntíma.

„Er allt í orden?“

Afhverju skiptir skipulag upplýsinga máli?

Tilkoma skýjalausna á borð við Microsoft 365 hrinti af stað skýjavæðingu hjá fyrirtækjum út um allan heim. Margir fóru varlega af stað og skipulögðu innleiðingu þessara lausna vel og vandlega, en það á því miður ekki við um alla. Þegar það kemur að innleiðingu eru það oftar en ekki kostnaðarlegar og tæknilegar ákvarðanir sem drífa hana áfram. En það sem gleymist oft eru upplýsingarnar sjálfar sem umhverfið geymir, gæði þeirra, öryggi og aðrar þarfir sem mikilvægt er að hafa í huga.

Að sjálfsögðu geta aðstæður stýrt því hvenær tími gefst til að undirbúa slíkar innleiðingar. Algengt dæmi um slíkt er þegar Covid-19 faraldurinn skall á; sóttkví og fjöldatakmarkanir ýttu undir heimavinnu starfsfólks. Með aukningu á verkefnum sem unnin voru í fjarvinnu, fjölgaði teymum í lausninni hratt og ýtti þannig undir ákveðið óskipulag og óreiðu í Teams.

Þegar hraði innleiðinga er mikill gleymist oft að kenna notendum að nýta lausnirnar sem veldur því að möguleikarnir eru ekki fullnýttir.

Það er óhætt að segja að mörg, ef ekki öll, fyrirtæki hafa upplifað einhverja útgáfu af „upplýsingaóreiðu”, hvort sem það snýr að notkun Teams, óljósum vistunarstöðum mikilvægra gagna, tölvupóstsamskiptum eða jafnvel eigin OneDrive.

Hér fyrir neðan verður farið yfir þau vandamál sem geta skapast í slíkri óreiðu, hvaða afleiðingar þær geta haft og hvernig Sensa getur hjálpað ykkur að bregðast við.

Vandamálin í upplýsingaóreiðunni

Það eru mörg og ólík vandamál sem geta skapast í upplýsingaóreiðu. Hér er farið yfir nokkur sem vert er að hafa í huga og eflaust margir kannast við.

1. Sömu gögnin út um allt

Mannlega eðlið veldur því oft að starfsfólk vistar „sitt eintak” af skjölum á mismunandi stöðum. Þetta getur verið á einkadrifum, Teams channelum, SharePoint síðum, útprentað eða jafnvel á flakkara. Þá vaknar oft upp spurningin „hvaða skjal er rétta skjalið?”

2. Upplýsingar eru óaðgengilegar

Einkasvæði notenda á OneDrive eða Document svæðið í vinnutölvum er algengur vistunarstaður sem ekki er aðgengilegur öllum í fyrirtækinu. Þegar notandi er fjarlægður hverfa gögnin . Hvernig tryggir þú að fyrirtækið týni ekki lykilgögnum?

3. Aðgangsstýringar óljósar

Ef vistunarstaðir eru óljósir, fylgir oft spurningin „hver hefur aðgang að þessu?” sem er mikilvægt að huga að þegar um viðkvæmar upplýsingar er að ræða.

4. Úreltar upplýsingar

Algengasta vandamálið, og þá sérstaklega með tilkomu Copilot eru úreltar upplýsingar. Þó gervigreindin sé í stöðugri þróun er mikilvægt að hafa í huga að erfitt er fyrir einstaklinga og hvað þá tól eins og Copilot að gera greinarmun á réttum og röngum upplýsingum.

Af hverju eru fáir að taka til?

Það hefðu allir gott af því að fara í tiltekt, eða í það minnsta smá úttekt. En afhverju eru þá ekki allir að því? Það eru margar ástæður fyrir því, en nokkrar eru algengari en aðrar.

1. Yfirboðið er hreint

Algengt er að fyrirtæki telja að allt sé í góðum málum, en gervigreindin vekur upp ýmsar spurningar og ein af þeim er „er samt í alvöru allt í góðu?“ Myndir þú treysta upplýsingaskipulaginu ef Copilot væri á sveimi?

2. Óyfirstíganlegur þröskuldur

Margir eru hins vegar mjög meðvitaðir um sína upplýsingaóreiðu, en tiltekt virðist óyfirstíganlegt verkefni. Það er mjög gagnlegt að vera með góða yfirsýn og skýra stefnu frekar en að reyna að gleypa fílinn í einum bita.

3. Hræðsla við breytingar

Svo eru það þeir sem telja að tiltekt muni ekki breyta neinu, þar sem erfitt er að fá starfsfólk til að breyta vinnulagi og temja sér nýtt skipulag, sem er einmitt það sem þarf að gera. Þú heldur ekki bílskúrnum hreinum með því að halda áfram að troða gömlum kössum í hillurnar. Það er mikilvægt að hafa í huga að tæknin er ótrúleg og getur leyst ýmis vandamál og jafnvel létt á vinnulagi starfsfólks og gefið þeim tækifæri til að prófa nýja hluti.

Hvernig getur Sensa hjálpað?

Sensa hefur áralanga reynslu við að aðstoða fyrirtæki að ná tökum á upplýsingaskipulagi sínu. Á þessum árum hafa ráðgjafar Sensa mótað aðferðafræði sem gefur fyrirtækjum yfirsýn yfir upplýsingalandslagið sitt og að setja sér mælanleg markmið.

Nálgun Sensa er að horfa á upplýsingaskipulagið út frá notendunum sjálfum frekar en tækninni. Með stuðningi nýrra og þróaðra tóla er hægt að tryggja skipulagið til framtíðar.

Endilega hafið samband við ráðgjafa Sensa ef þið viljið vita meira.

Sensa búið að innleiða fimm ISO vottanir

Sensa hefur verið með ISO 27001 vottun um upplýsingaöryggi síðan 2015. Síðastliðið haust kláraði Sensa innleiðingu á fjórum nýjum ISO vottunum sem tengjast persónuvernd, umhverfisvernd, gæðastjórnun og spillingu. Reglulega er virkni kerfanna sannprófuð með úttektum af óháðum faggiltum aðilum.

Mikil vinna hefur verið lögð í að gera Sensa að öflugum vinnustað með áherslu á samvinnu ásamt því að tryggja gæði og öryggi þjónustunnar. Þessar vottanir stuðla að markvissari vinnuferlum og tryggja stöðugar umbætur sem leiða af sér skilvirkari og betri þjónustu. Vottunin veitir Sensa gott og mikilvægt aðhald og leggur góðan grunn að umbótum og jákvæðri þróun í auknu öryggi og gæðum.

„Kröfurnar aukast sífellt um aukið öryggi og gegnsæi. Fyrirtæki og stofnanir verða að geta treyst því að samstarfsaðilar vinni eftir stöðluðu verklagi sem byggir á alþjóðlegum vottuðum stöðlum,“ segir Guðmundur Stefán Björnsson öryggisstjóri Sensa.

Guðmundur Stefán Björnsson,
öryggisstjóri hjá Sensa

Með þessum viðbótum við ISO 27001 vill Sensa treysta enn frekar stoðir félagsins gagnvart skuldbindingum til handa viðskiptavinum Sensa og samfélagsins.

Sensa er nú með eftirtalda ISO staðla:

ISO/IEC 27001: 2017 – Stjórnunarkerfi fyrir upplýsingaöryggi

Sensa hefur verið með stjórnkerfi upplýsingaöryggis síðan 2015. Staðallinn tilgreinir kröfur um að innleiða, viðhalda og bæta stöðugt stjórnunarkerfi um upplýsingaöryggi. Staðallinn felur einnig í sér kröfur um áhættumat og úrbætur vegna upplýsingaöryggis, sem sniðið er að þörfum Sensa.

ISO 9001:2015 – Gæðastjórnunarkerfi

Sensa hefur innleitt gæðastjórnunarkerfi sem tekur á öllum þáttum starfseminnar. Staðallinn tilgreinir kröfur til gæðastjórnunarkerfis þegar skipulagsheild þarf að sýna fram á getu sína til að bjóða að staðaldri vörur og þjónustu sem mæta kröfum viðskiptavina og viðeigandi laga og stjórnvaldsreglna.

ISO 14001 – Umhverfisstjórnunarkerfi

Sensa hefur innleitt umhverfisstjórnunarkerfi sem tekur á öllum þáttum umhverfismála. Staðallinn tilgreinir kröfur sem gerðar eru til umhverfisstjórnunarkerfis sem skipulagsheild getur notað til að bæta umhverfisframmistöðu sína.

ISO/IEC 27701:2019 – Stjórnunarkerfi um persónuvernd

Sensa hefur innleitt stjórnkerfi sem tekur á öllum þáttum persónuverndar. Staðallinn tilgreinir kröfur og veitir leiðsögn við að koma á, innleiða, viðhalda stöðugum umbótum stjórnunarkerfis um persónuvernd.

ISO 37001:2016 – Gegn mútum og spillingu

Sensa hefur innleitt stjórnkerfi sem tekur á þáttum gegn mútum og spillingu. Staðallinn tilgreinir kröfur og veitir leiðsögn við að koma á, innleiða og viðhalda stöðlum gegn mútum og spillingu.

Vottanir ISO

Stefnur

Skilmálar

Microsoft Copilot í almennri dreifingu

Í vikunni tilkynnti Microsoft um almennt framboð á M365 Copilot í CSP (Cloud Solution Provider Program), sem markar mikilvægan áfanga í að gera gervigreind aðgengilegri. Copilot er byltingarkennt gervigreindartól sem sameinar krafta máltækni og gervigreindar.

Copilot, sem áður var eingöngu í boði fyrir Enterprise viðskiptavini með lágmarkskaup upp á 300 leyfi, er nú í boði fyrir öll fyrirtæki án takmarkana.

Nýjasta „Work-Trend Index“ frá Microsoft, sem birt var á Microsoft Ignite í síðasta mánuði, dregur fram fyrstu áhrif Copilot. Sýnt er fram á raunverulega framleiðni aukningu sem og tímasparnað notenda, til dæmis: 70% Copilot notenda sögðust vera afkastameiri og 68% sögðu það hefði bætt gæði vinnu. Hægt er að lesa nánar um niðurstöðurnar hér.

Ráðgjafar Sensa hafa áralanga reynslu af vinnu við skipulagningu upplýsinga í skýinu. Með tilkomu gervigreindar myndast nýjar áskoranir sem mikilvægt er að undirbúa sig fyrir. Endilega hafðu samband við sérfræðinga okkar ef þú vilt fá að vita meira um Copilot.

Fylgist þú með allan sólarhringinn?

Í tilefni af því að Sensa er orðinn samstarfsaðili Arctic Wolf bjóðum við til morgunverðarfundar miðvikudaginn 22. nóvember frá kl. 8:30 – 11:00 hjá Sensa að Lynghálsi 4, 5. hæð.

Arctic Wolf býður upp á öfluga netöryggisvernd sem er sérsniðin að þörfum fyrirtækja. Fyrirtækið rekur öfluga miðlæga öryggisvöktun (SOC) sem er mönnuð allan sólarhringinn.

Arctic Wolf greinir öryggisógnir hratt og bregst við í rauntíma. Með því að nýta sér gagnagreiningu, vélnám (e. machine learning) og flókna ferla við vinnslu atburða veitir Arctic Wolf yfirsýn sem þarf til að sjá heildarmyndina við öryggisógnir í rauntíma.

Dagskrá:
8:30 – 9:00
Morgunmatur

9:00 – 9:10
Velkomin – Sigurður M. Jónsson, framkvæmdastjóri sölu hjá Sensa

9:10 – 10:10
Ari Þór Guðmannsson, Senior Sales Engineer hjá Arctic Wolf

10:10 – 10:30

Steingrímur Óskarsson, sérfræðingur í viðskiptaþróun hjá Sensa

10:30 – 11:00

Spjall, spurningar og svör

Skráning hér.

BYKO semur við Sensa um sérfræðirekstur

BYKO hefur samið við Sensa um sérfræðirekstur og uppsetningu á nýjum netkerfum fyrirtækisins. Markmiðið er að tryggja stöðugleika, öryggi og framþróun þessara kerfa ásamt því að gera rekstrarkostnað fyrirsjáanlegri. Hjá BYKO starfa um 600 manns og fagnaði fyrirtækið 60 ára afmæli í fyrra. Nýjar Breeam vottaðar höfuðstöðvar verða teknar í notkun á Breiddarsvæðinu á komandi mánuðum og einnig mun ný verslun rísa í Reykjanesbæ árið 2025.

Lausnin sem BYKO valdi og var hönnuð í samráði við Sensa fyrir sinn rekstur byggir á samtengingu Fortinet netbúnaðar við öflugar öryggis- og gervigreindarþjónustur Fortinet. Þetta skilar aukinni sjálfvirknivæðingu, eykur öryggi og dregur úr rekstrarkostnaði.

„Áður en við hófum þessa vegferð með Sensa þá hafði BYKO litla sem enga yfirsýn yfir umferð á okkar netkerfum, bilanir voru tíðar og flækjustigið í okkar rekstri var mjög mikið. Eftir ítarlega þarfagreiningu og hönnun með sérfræðingum Sensa ákváðum við vegferð sem byggir á lausnum Fortinet. Við höfum fengið góða yfirsýn yfir netumferð og getum auðveldlega stýrt aðgengi að innviðum BYKO. Kostnaður vegna reksturs okkar kerfa hefur lækkað verulega og er hann orðinn fyrirsjáanlegri. Mikilvægast er að uppi- og svartími okkar kerfa er orðinn eins og best verður á kosið,“ segir Snorri Páll Jónsson, upplýsingatæknistjóri hjá BYKO.

Sensa sérhæfir sig í fjölbreyttum lausnum í upplýsingatækni en þar starfar reynslumikill hópur með hátt þekkingarstig. Sensa leggur mikinn metnað í að bjóða virðisaukandi lausnir sem auka samkeppnishæfni viðskiptavina og árangur í daglegum rekstri. Sensa hefur eitt fyrirtækja á Íslandi Expert Partner samstarfssamning við Fortinet, en nýlega fékk Sensa viðurkenningu sem Partner of the Year.

„Við erum mjög ánægð með það traust sem BYKO hefur sýnt okkur. Sensa hefur áralanga reynslu af rekstri og þjónustu á upplýsingatæknilausnum fyrir fyrirtæki og við trúum því að okkar þekking á þessu sviði muni styrkja BYKO enn frekar, og sjáum fram á blómlegt áframhaldandi samstarf með BYKO og Fortinet“ segir Sigurður M. Jónsson, framkvæmdastjóri sölusviðs Sensa.

„Fortinet hefur í yfir 20 ár sameinað áður aðskilda heima netkerfa og öryggislausna. Með því hefur Fortinet skapað öruggara umhverfi fyrir notendur og fyrirtæki. Fortinet er meðal mest innleiddu netöryggislausna í heiminum, enda fáir framleiðendur sem státa af fleiri einkaleyfum og fleiri vottunum,“ segir Sævar Böðvarsson, framkvæmdastjóri Fortinet á Íslandi.

Myndatexti: Óskar Sæmundsson, sölusérfræðingur hjá Sensa, Hulda Júlíana Jónsdóttir, framkvæmdastjóri rekstrarsviðs hjá BYKO, Sævar Böðvarsson, framkvæmdastjóri Fortinet á Íslandi, Snorri Páll Jónsson, upplýsingatæknistjóri hjá BYKO, Sigurður Magnús Jónsson, framkvæmdastjóri sölusviðs Sensa og Pálína Björnsdóttir, viðskiptastjóri hjá Sensa.

Sensa á Nordic Infrastructure Conference

Sensa mun taka þátt í Nordic Infrastructure Conference (NIC) sem haldin verður í Osló 8. – 9. nóvember nk. Um er að ræða virkilega fjölbreytta og áhugaverða dagskrá. Sjá nánar hér.

Hvetjum alla sem eiga leið á NIC ráðstefnuna að líta við í Sensa básinn.

Sjálfbærnimarkmið

Í maí sl. kom út sjálfbærniskýrsla Crayon samsteypunnar sem Sensa er hluti af, fyrir árið 2022. Eins og áður byggir hún á fjórum þáttum; fólk, plánetan, velmegun og stjórnarhættir. Undir hverjum þætti fyrir sig má finna metnaðarfull en samt sem áður raunhæf markmið sem stöðugt er verið að vinna í.

Fólkið:
Mikilvægasta auðlindin er starfsfólkið. Fjölbreytni (e. Diversity) er hátt skrifuð hjá Crayon enda hafa rannsóknir sýnt að teymi skipuð starfsfólki með ólíkan bakgrunn skila meiri arðsemi (https://www.mckinsey.com/capabilities/people-and-organizational-performance/our-insights/delivering-through-diversity).

Í lok þessa árs stefnir Crayon á að skrásetja fjölbreytni (e. Diversity), ekki bara kyn, og í kjölfarið setja sér markmið á heimsvísu. Þá er stefnt að því að hlutfall kvenna innan Crayon samsteypunnar verði 40% árið 2027.

Hlutfall kvenna hjá Crayon.

Plánetan:
Okkur ber skylda til að finna leiðir til að minnka kolefnissporið okkar eins og hægt er. Á þessu ári stefnir Crayon að klára að uppfylla vísindaleg viðmið fyrir loftslagsmarkmið fyrirtækja (Science Based Targets Initiative) sem er samstarf nokkurra leiðandi alþjóðlegra aðila á sviði loftslagsmála. Fyrir árið 2030 er stefnt að því að minnka losun gróðurhúsalofttegunda um að minnsta kosti 40%.

Crayon flutti höfuðstöðvar sínar í Osló í nýtt og vistvænt húsnæði í nóvember í fyrra. Um er að ræða nýbyggingu sem uppfyllir meðal annars ISO 14001. Kolefnisspor húsnæðisins er um 50% minna en annarra sambærilegra bygginga. Hægt er að lesa nánar um húsnæðið hér: https://www.crayon.com/resources/news2/new-Crayon-headquarters/

Höfuðstöðvar Crayon í Osló.

Velmegun:
Við trúum á mátt tækninnar. Við aðstoðum viðskiptavini okkar í að hagræða, draga úr kostnaði og um leið tileinka sér það nýjasta í tækninni hverju sinni. Eitt af markmiðum Crayon samsteypunnar er að verða leiðandi í fjármálastarfsemi í skýinu (FinOps) fyrir 2025 og fyrir 2027 að vera orðinn leiðandi í sjálfbærum vörum- og þjónustu.

Stjórnarhættir:
Heiðarleiki er eitt af grunngildunum. Vitað er að ábyrgir stjórnarhættir gefa samkeppnisforskot sem endurspeglast í trausti. Fyrir lok þessa árs er markmið Crayon að koma á fót öryggis- og persónuverndar áætlun (Security and Privacy Partnership Program). Þá er áætlað, fyrir 2025, að siðareglur birgja (Supply Chain Integrity Partnership Program) taki gildi.

Áhugasamir geta nálgast sjálfbærniskýrslu Crayon samsteypunnar hér: https://www.crayon.com/globalassets/global/investor-relations/reports-and-presentations/2022-presentations/crayon-group-holding-asa-esg-report-2022.pdf?

Þjónustukönnun

Viðskiptavinir Sensa fá á næstu dögum senda stutta þjónustukönnun á tölvupósti frá rannsóknarfyrirtækinu Prósent.

Könnunin er send á viðskiptavini sem og samstarfsaðila og er mikilvægur liður í að heyra viðhorf viðskiptavina til þess að Sensa geti bætt þjónustu sína enn frekar. Könnunin er framkvæmd af Prósent og er gert ráð fyrir að hún standi yfir í þrjár vikur.

Við þökkum kærlega fyrir þátttökuna og fyrir að hjálpa okkur að bæta þjónustuna.

Spurningum varðandi könnunina má beina til Gunnars Ólafssonar, leiðtoga viðskiptastýringar, gunnar.olafsson@sensa.is

Starlink gervihnattasamband við Ísland

Starlink þjónustan, sem rekin er af SpaceX, býður uppá Internet samband í gegnum gervihnetti. Nýlega var tilkynnt að þjónustan væri aðgengileg á Íslandi. Þess hefur verið beðið með mikilli eftirvæntingu þar sem litla sem enga innviði þarf til þess að ná sambandi við Internetið með þjónustunni. Það er stór kostur fyrir til dæmis svæði sem hafa litla sem enga innviði til staðar.

Fjárfest var í búnaðnum og um leið og hann kom í hús fór sérfræðingateymi okkar beinustu leið uppá þak húsnæðis okkar að Lynghálsi 4 til þess að prófa tenginguna.

Uppsetning á tengingunni og búnaðnum gekk vonum framar og var komið samband við Internetið á innan við 30 mínútum. Ferlið er mjög einfalt og á færi nánast hvers sem er, en við prófanir á gæðum tengingarinnar urðum við hinsvegar fyrir vonbrigðum.

Staðsetning Íslands er á mörkum þess að hafa möguleika á tengingu við Starlink og þar af leiðandi var hún mjög óstöðug, tengingin var uppi eina mínútuna og úti hina. Við skoðun á gagnvirku korti Starlink á netinu sést að langt er í næstu gervihnetti frá Íslandi og er það líkleg skýring á þessum sambands rofum.

Starlink Internet sambandið þarf einnig samband við móðurstöðvar á jörðu niðri til samskipta við Internetið eins og við þekkjum það. Þessar stöðvar eru á víðs vegar um heiminn en töluverð vegalengd er frá okkur á Íslandi í næstu slíka stöð. Þar af leiðandi tekur það frekar langan tíma að komast í samskipti við Internet innviði. Þetta gerir það að verkum að sambandið eins og það er í dag virkar ekki fyrir símtöl og/eða fjarfundaþjónustur eins og Zoom, Teams og Webex. Þessar þjónustur krefjast mun minni seinkunar (e. latency) á netsamskiptum.

Bandvídd (e. bandwidth) í gegnum þjónustu Starlink var hinsvegar yfir væntingum. Við fengum fína bandvídd á meðan tengingin var virk (yfir 150Mbps) sem er sambærileg og u.þ.b. 20 sjónvarpsstöðvar í ágætum gæðum.

Þrátt fyrir þessa upplifun á þjónustugæðum Starlink á Íslandi þá höfum við unnið með viðskiptavinum í Evrópu sem nota Starlink Internet sambönd við starfsemi sína. Þar sjáum við mun betri sambönd vegna þéttleika gervihnatta og styttri tenginga við móðurstöðvar. Í dag inniheldur gervihnattanet Starlink um 3.600 gervihnetti. Stefna þeirra er að netið innihaldi 12.000 gervihnetti innan tíðar og langtímaplön gera ráð fyrir 42.000. Þegar netið þéttist enn meira þá mun þjónustan fyrir okkur sem eru staðsett á Íslandi líklegast batna til muna.

Haukur Þórðarson, leiðtogi netlausna hjá Sensa

Jamf School – straumlínulöguð umsjón tækja

Það getur reynst þrautin þyngri fyrir kennara og starfsfólk námsstofnanna að finna réttu tæknilausnirnar.

Verandi með eins margar lausnir í boði og raun ber vitni er erfitt að finna þær sem henta nemendum, kennurum og öðru starfsfólki.

Jamf School hefur á seinustu misserum náð miklu flugi í menntastofnunum um heim allan og er Ísland enginn aukvissi þar. Það sem helst ræður för í innleiðingu Jamf School er eftirfarandi.

Straumlínulöguð umsjón Apple tækja

Einn stærsti kostur Jamf School er möguleikinn á að straumlínulaga alla umsjón Apple tækja innan skólans og/eða sveitarfélagsins. Með Jamf School má auðveldlega taka í notkun, uppfæra og tryggja að tæki séu alltaf örugg og tilbúin til notkunnar. Þetta reynist einstaklega vel þegar skólar og sveitarfélög sjá um mikinn fjölda tækja þar sem mikill tími og mannafli sparast.

2. Sérsniðin skólastofa

Jamf School leyfir þér að sérsníða uppsetningu tækja í skólastofunni. Hægt er að sníða stakk þannig að hver skóli/árgangur/bekkur hefur aðgang að þeim tólum og forritum sem hann þarf, hvorki fleiri né færri. Einnig er hægt að nota Jamf School til að setja upp tæki sem deild eru á notendur, þá samnýtt með nemendum eða stofum.

3. Aukin framleiðni

Með Jamf School er hægt að sjálfvirknivæða mikið af verkferlum eða aðgerðum sem annars eru framkvæmd handvirkt eins og ráðstöfun tækja og uppfærslur. Gefur það kennurum enn meiri tíma í undirbúning kennslustunda og tíma með nemendum.

4. Aukið öryggi

Öryggi er í dag enn stærra málefni þegar kemur að snjalltækjum í skólum. Jamf School býður upp á fjölda öryggisstillinga sem tryggja gögn skólans og/eða sveitarfélagsins. Með Jamf School má á einfaldan máta stilla til öryggi tækja og tryggja að þau séu á pari við staðla skólans og þar af leiðandi alltaf örugg í höndum nemenda.

5. Betri upplifun nemenda

Þegar allt kemur til alls er markmið allra í þessum menntageiranum að betrumbæta upplifun og auka árangur nemenda. Með því að straumlínulaga umsjón tækja og sníða skólastofur að nemendum gerir Jamf School kennurum kleift að búa til umhverfi þar sem nemendur hafa aðgang að þeim tólum og tækjum sem þeir þurfa hverju sinni. Er það sýn Jamf School að það muni hafa jákvæð áhrif á námsárangur og upplifun nemenda á sjálfum lærdómnum.

Jamf School býður upp á fjölda möguleika fyrir skóla og sveitarfélög. Allt frá straumlínulagaðri umsjón Apple tækja og sérsniðnum skólastofum að auknum öryggismöguleikum.

Jamf School getur hjálpað til við að skapa umhverfi þar sem nemendur og kennarar eru örugg og ná auknum árangri.

Ef þú ert að leita að framúrskarandi lausn í umsjón Apple tækja í skóla er vel þess virði að kynnast Jamf School betur.

Sensa er samstarfsaðili Jamf School á Íslandi.

Hvar leynist óværan?

Árið er 2017. Gagnagíslatökur eru ekki enn á hvers manns vitorði. Fyrsta tilfelli árásar á viðskiptavin er tilkynnt í þjónustukerfi Rubrik. Menn klóra sér í hausnum í augnablik, en segja svo, hvert er vandamálið? Rubrik er vel varið utanaðkomandi aðilum og er öruggt umhverfi. Afritin eru öll til staðar, af hverju ekki bara að endurheimta gögnin og halda áfram eins og ekkert hafi í skorist?

En fljótlega renna á menn tvær grímur. Þetta er ekki alveg svona einfalt. Hvar leynist óværan? Hvað er hún búin að vera lengi til staðar? Hvernig vitum við að ekki er verið að endurheimta umhverfi þar sem óvinurinn hefur tekið sér bólfestu?

Rubrik er afritunarlausn sem byggir á verkferlum og lausnum sem passa vel inn í rekstarumhverfi dagsins í dag. Lausnin er þróuð frá grunni til að leysa afritun og endurheimt með öryggi að leiðarljósi.

Sérfræðingar Rubrik áttuðu sig á því að ógnirnar sem steðja að gögnum fyrirtækja hafa tekið stakkaskiptum og við erum að etja kappi við harðsvíraða og beinskeytta aðila sem svífast einskins til að ná sínu fram. Í framhaldi var stefnunni breytt, markmiðið varð að sjá til þess að hægt væri að greina óværuna áður en hún lætur til skarar skríða og að tryggja að notendur endurheimti umhverfi sem er öruggt.

Með tíð og tíma er orðið ljóst að jafnvel þótt lausnargjaldið væri greitt, var það ekki trygging fyrir því að gögnin fengjust til baka, hvað þá að viðkvæm gögn væru ekki komin í hendur á óprúttnum aðilum.

Til að mæta þessum kröfum býður Rubrik upp á greiningu (Ransomware Detection). Greiningin grípur og flaggar ef óeðlileg breyting verður á afritum. Ef leitin (Threat Hunting) sem fer í gegnum afritin, finnur þekktar óværur þá tryggir hún þar með að notendur endurheimta öruggt umhverfi komi til þess að óviðkomandi komist inn.

Að auki getur lausnin látið vita ef í umhverfinu eru viðkvæm gögn (Sensitive Data Discovery) eins og til dæmis kennitölur, kortanúmer og netföng. Slík greining getur verið ómetanleg til að ákvarða hvort gögn sem hafa verið tekin traustataki séu þess eðlis að aðgerða sé þörf.

Veistu hversu vel er passað upp afritin af þínum gögnum?

Sigurður H. Ólafsson er sérfræðingur í afritunarlausnum hjá Sensa.

Embætti landlæknis semur við Sensa um hýsingu og rekstur

Embætti landlæknis hefur samið við Sensa um hýsingu og rekstrarþjónustu fyrir miðlægan rekstur upplýsingakerfa og umhverfi. Markmiðið er að tryggja öryggi og framþróun þessara kerfa.

Um 70 manns starfa hjá Embætti landlæknis en það starfar í samræmi við lög um landlækni og lýðheilsu og er ætlað að stuðla að heilbrigði landsmanna. Embættið safnar og vinnur mikið með upplýsingar um heilsufar og heilbrigðisþjónustu þannig að öryggi gagna er eitt af forgangsmálum embættisins.

Sensa er þjónustufyrirtæki sem sérhæfir sig í fjölbreyttum lausnum í upplýsingatækni. Hjá Sensa starfar reynslumikill hópur sérfræðinga með hátt þekkingarstig á alþjóðlegan mælikvarða. Sensa leggur mikinn metnað í að bjóða virðisaukandi lausnir með áherslu á öryggi gagna og rekstrarumhverfis. Til að ná því er lögð rík áhersla á traust samband við viðskiptavini og samstarfsaðila.

Mynd: Hólmfríður Pálsdóttir, teymisstjóri rafrænna upplýsingakerfa hjá Embætti landlæknis, og Valgerður H. Skúladóttir, framkvæmdastjóri Sensa.

Samstarf Cisco og Microsoft

Microsoft og Cisco tilkynntu í vikunni um aukið samstarf í kringum fjarfundalausnir. Samstarfið mun leiða til þess að fjarfundarbúnaður frá Cisco verði vottaður (certified) fyrir Microsoft Teams á næsta ári. Þetta verður spennandi kostur fyrir þau fyrirtæki sem vilja hámarka upplifun notenda í blönduðu (hybrid) umhverfi með því að sameina fyrsta flokks vélbúnað frá Cisco og hugbúnað frá Microsoft.

„Interoperability has always been at the forefront of our hybrid work strategy, understanding that customers want collaboration to happen on their terms — regardless of device or meeting platform,” sagði Jeetu Patel, EVP og GM, Security & Collaboration hjá Cisco.

„By welcoming Cisco as our newest partner building devices Certified for Microsoft Teams, we are excited to bring leading collaboration hardware and software to market together for our joint customers,” sagði Jeff Teper, president, collaborative apps og platforms hjá Microsoft.

Með þessari viðbót eru Cisco og Microsoft að svara eftirspurn markaðarins varðandi samnýtingu lausna. Notendur mega vænta þess að byrja að sjá áhrif samstarfsins í byrjun árs 2023.

Fréttatilkynningu má lesa hér.

Cisco Webex

Webex Meetings er vef- og myndfundaþjónusta í skýjinu sem er aðgengilegt á Windows, Mac og Linux sem og í helstu vöfrum.

Ein helsta áskorun vinnuveitenda í dag er að tryggja samheldni starfsfólks þrátt fyrir fjölbreyttari vinnustað. Framtíðarsýn Cisco er blanda af viðveru heimavið sem og á vinnustaðnum (e. Hybrid workplace).

Þessa blöndu þarf að aðlaga að vinnuteymum, búa til upplifun sem nær til allra og hámarka afköst. Lausnaframboð Webex snýr einmitt að því að hámarka upplifun notenda þegar það kemur að fjarfundum, símtölum, skilaboðum, uppákomum og skoðanakönnunum meðal annars.

Öruggar tengingar

Webex leggur lykiláherslu á að dulkóða öll gögn sem snerta á Webex, þá allt frá texta, myndformi og tengingum við önnur forrit en einnig er hægt að tryggja gögnin enn betur með end-to-end dulkóðun (E2EE).

Með Webex fæst einnig hlutverkamiðaður aðgangur fyrir hvern og einn notanda, sem gefur fundargestum takmarkaðari aðgang, t.d. að kynnningarréttindum,
gögnum og forritum. Á sama tíma fá kynnar og admin notendur réttindi til að
gefa eða afturkalla réttindi fundargesta.

Þar að auki býður Webex uppá möguleikann að virkja tvíþáttaauðkenningu, t.d. í gegnum Microsoft MFA, og að sjálfsögðu lykilorðaskyldu til að tengjast fundum.

Rauntímaþýðing og skriflegt afrit af fundum

Í grunnpakkanum er boðið uppá rauntímaþýðingu úr ensku, frönsku, þýsku og spænsku en með auknum leyfisheimildum er hægt að fjölga þessum grunntungumálum.

Stjórnborð

Webex býður uppá einfalt og notendavænt stjórnborð með mælikvörðum, greiningu og leiðbeiningum. Admin notendur fá þar góða yfirsýn á notendur, vinnusvæði og tæki ásamt greinagóðum skýrslum sem hægt er að fjölga með auknum leyfisheimildum.

Tenging við O365

Webex og Microsoft hafa unnið saman við að tengja Webex meetings og Office forrit á borð við Word, Excel og PowerPoint á öflugan og þægilegan máta. Með þessari tengingu geta notendur unnið saman í skjölum beint í gegnum Webex sem og að gera notendum kleift að senda í umræðuþræði Webex beint úr Office öppum.

Nú er einnig komin bein tenging við Outlook, þar sem auðvelt er að stofna fundarboð sem er aðgengilegt bæði inní Outlook Calendar sem og Webex. Webex styður þar að auki einfaldar skipanir í innbyggðum dagatölum eins og iOS calendar og Windows calendar.

Webex býður einnig uppá tengingu við 30+ forrit svo sem Whiteboard, polls og Q&A: https://apphub.webex.com/meetings

Einfaldleikinn í fyrirrúmi

Webex leggur mikla áherslu á að einfalda allar skipanir og að hámarka upplifun notenda og er því mjög auðvelt að taka upp fundi, tengjast fundum, búa til fundi, flytja símtöl yfir í fundi og margt fleira.

Aðrar skemmtilegar viðbætur í Webex eru t.d. gagnvart svokölluðum „Breakout Room“ (þegar fundi er skipt upp í minni hópa) en nú geta notendur valið sjálfir í hvaða hóp þeir vilja ganga í. Þá hefur tækninni fleygt fram í hávaðaeyðingu (e. Noise Removal) og skynjun handahreyfinga í mynd t.d. klapp, upprétt hönd og að „líka“ við (e. Like).

Ef þín áhersla er á frábær myndgæði, öfluga samvinnu og fjölbreyttar tengingar við forrit þá gæti Webex Meetings verið fyrir þig.

Hér má sjá myndband sem sýnir hvernig McLaren Formúlu 1 liðið notar Webex á fjölbreyttan hátt þrátt fyrir mismunandi staðsetningu starfsfólks.

Viltu prófa Webex?

Viltu vita meira?

Hafðu samband við Sensa – sala@sensa.is – s. 425 1700

Baráttan gegn netglæpum! Kynning hjá Sensa

Öryggislausnir sem taka á gagnagíslingu verða aðalfókusinn í kynningu sem Sensa stendur fyrir fimmtudaginn 2. júní. Um er að ræða lausnir frá NetApp, Rubrik og ProLion, sem gefa fyrirtækjum val um varnir í baráttunni.

Kynningin er haldin í nýjum og glæsilegum húsakynnum Sensa að Lynghálsi 4 (5. hæð) fimmtudaginn 2. júní frá kl. 9 – 12. Eftir að kynningu lýkur er boðið upp á hádegismat.

Dagskrá:
Öryggislausnir sem taka á gagnagíslingu (Ransomware)

NetApp Anti-Ransomware Suite
Hvernig getur þú varið þig gegn gagnagíslingu á miðlægum innviðum?
Anti-Ransomware Suite er heildstæð lausn sem finnur og bregst við óværum
sem komast í gegnum varnirnar. Sérfræðingur NetApp, Jeroen Noterman,
fræðir okkur um lausnina.
Rubrik Zero Trust Data Management
Það síðasta sem þu vilt er að óværan komist í afritin þín. Með Rubrik
færðu öruggustu afritunarlausnina á markaðnum. Gøran Tømte,
sérfræðingur frá Rubrik fer yfir hvað það er sem greinir þessa lausn frá
öðrum á markaðnum.
ProLion Cryptospike
Cryptospike er ransomware vörn sem virkar á gagnageymslulaginu, greinir og
grípur inn í árásir, lágmarkar eða kemur í veg fyrir gagnatap af þeim
völdum.
Object Storage lausn Sensa (Immutable bacups)
Sérfræðingar Sensa fræða okkur um þessa nýju þjónustu og hvernig hægt er
að nota hana til að taka afrit sem ekki er hægt að eiga við.

Mikilvægt er að skrá sig á kynninguna með því að smella á þennan hlekk.
Skráning – Ransomware kynning

Við erum að flytja!

Þann 1. mars kveður Sensa Ármúla 31 og flytur í nýuppgert skrifstofuhúsnæði að Lynghálsi 4. Lynghálsinn er að góðu kunnur en þar hóf Sensa sína starfsemi fyrir 20 árum síðan.

Glæsileg móttaka er á jarðhæð hússins sem er opin frá 8 – 16 alla virka daga. Eins og áður er Tækniborð Sensa opið frá kl. 8 – 17 alla virka daga.

Lagermóttaka er staðsett hægramegin við móttökuna á jarðhæð.

Log4j – staðan 17. desember

Sensa hefur gert viðeigandi ráðstafanir í sínum innviðum sem og í umhverfi viðskiptavina sem eru í rekstri eftir að Log4j veikleikinn kom upp fyrir viku síðan.

Sensa hefur sett upp eftirlit með ákveðinni nethegðun sem getur gefið til kynna hvort verið sé að leita eftir veikleikanum. Við munum halda áfram að skanna umhverfi viðskiptavina og aðstoða með verkefni vegna veikleikans.

Hér má finna nánari upplýsingar um veikleikann, ráðleggingar birgja ásamt frekari upplýsingum um stöðu mála ef tilefni er til.

Ef einhverjar spurningar vakna vinsamlegast hafið samband í síma 425 1700 eða sendið tölvupóst á hjalp@sensa.is.

Log4j2 veikleikinn

Sérfræðingar Sensa hafa unnið hörðum höndum að því að tryggja öryggi Sensa og viðskiptavina frá því að Logj4 öryggisveikleikinn kom í ljós.

Innviðir Sensa hafa verið skannaðir og viðeigandi ráðstafanir gerðar.

Við hvetjum viðskiptavini til að huga vel að öðrum kerfum, m.t.t. þessa veikleika, sem eru í eigin umsjá eða hjá öðrum þjónustuaðilum. Hér er þá átt við umhverfi sem eru ekki í rekstrarþjónustu hjá Sensa. Til dæmis kerfi eða hugbúnaður sem mögulega hefur samskipti út á internetið og keyrir Java hugbúnað. Leita skal upplýsinga til viðkomandi þjónustuaðila eða framleiðanda.

Athugið að mikilvægt er að láta CERT-IS vita ef vart verður við innbrot í kerfi.

Haldið verður áfram að næstu daga að skanna umhverfi viðskiptavina, fylgjast með tilkynningum frá birgjum, eftirlitsstofnunum og fréttum um veikleikann.

Ef einhverjar spurningar vakna vinsamlegast hafið samband við okkur í síma 425 1700, sendið tölvupóst á hjalp@sensa.is eða beint á þinn tengilið innan Sensa.

Sensa framúrskarandi 12. árið í röð!

Sensa er á lista fyrirtækja hjá Creditinfo sem framúrskarandi fyrirtæki 2021. Sensa hefur verið á listanum frá 2010 eða frá því að Creditinfo fór að veita fyrirtækjum viðurkenningu fyrir góðan rekstrarárangur.

Það var Sveinn Anton Jensson, tæknimaður í rekstrarþjónustu, sem tók á móti viðurkenningunni fyrir hönd Sensa.

Valgerður tilnefnd

Nordic Women in Tech Awards hefur tilnefnt Valgerði Hrund Skúladóttur, framkvæmdastjóra Sensa, í flokknum „Women in Tech Advocate of the Year“. Verðlaun eru veitt í tíu flokkum og eru fimm konur tilnefndar í hverjum flokki. Nú stendur yfir netkosning þar sem fólk getur kosið sinn fulltrúa.

https://nordicwomenintechawards.com/peoples-choice-award/

AvePoint og IKEA

IKEA á Íslandi og í Eystrasaltsríkjunum valdi AvePoint til að sjá um að vernda gögnin í Microsoft 365 umhverfinu.

AvePoint Cloud Backup, sem er 100% SaaS lausn, veitir sjálfvirka alhliða afritunar- og endurheimtarþjónustu fyrir Microsoft 365, Salesforce og Dynamics 365. Um er að ræða innbyggða geymslu og dulkóðun sem og sveigjanlegar verðáætlanir byggðar á fjölda notenda eða gagnamagni.

Virkilega góður áfangi í vegferð IKEA á Íslandi og í Eystrasaltsríkjunum með Sensa í skýið.

Hér er hlekkur í reynslusögu IKEA á AvePoint lausninni.

Nýtt merki Sensa

Sensa hefur tekið upp nýtt merki sem tengir það við alþjóðlega upplýsingatæknifyrirtækið Crayon sem keypti Sensa fyrr á árinu.

Merkið sjálft er það sama og móðurfyrirtækið notar en það er byggt á óendanleika merkinu (e. infinity symbol). Það táknar líka tengingu eða samskipti og minnir á ský.

Sem hluti af Crayon samsteypunni getur Sensa boðið viðskiptavinum fleiri, hagkvæmari og margþættari stafrænar lausnir. Tækifærin innan Crayon eru fjölbreytt enda starfar fyrirtækið í 35 löndum og er með yfir 50 skrifstofur.

Þrátt fyrir nýtt útlit þá mun Sensa áfram starfa á þeim grunni sem það hefur gert í nær 20 ár þar sem hagsmunir viðskiptavina eru í forgrunni. Framundan eru því spennandi tímar hjá Sensa og viðskiptavinum fyrirtækisins í stafrænni vegferð inn í framtíðina.

Falspóstar í nafni Sensa

Sensa hefur verið gert viðvart við falska pósta í okkar nafni þar sem „vefstjóri“ biður um nánari upplýsingar þar sem eitthvað óvenjulegt hafi verið uppgötvað. Móttakandi er beðinn um að skrá sig inn með því að smella á hlekk sem fylgir póstinum.

Sensa vill árétta að þessar sendingar eru ekki frá okkur komnar. Við biðjum því viðskiptavini að opna ekki viðhengi eða hlekki í tölvupóstinum þar sem þeir kunna að innihalda óværu.

Ef einhverjar spurningar vakna vinsamlegast hafið samband við okkur í síma 425 1700 eða hjalp@sensa.is.

Cisco gull vottun í 14. skiptið

Í vikunni fékk Sensa staðfest sína 14. gull vottun í röð frá Cisco. Cisco gull vottun gefur til kynna þekkingarstig fyrirtækisins. Sensa er eina fyrirtækið á Íslandi sem hefur náð gull vottun frá Cisco.

Vottunin staðfestir þekkingu og hæfni Sensa í netkerfum, samskiptalausnum, öryggi og þjónustu, ásamt því að ferlar og vinnubrögð uppfylla strangar kröfur Cisco. Fyrir viðskiptavini Sensa tryggir þetta að kjör á búnaði verða þau bestu sem völ er á sem og aðgengi að tæknilegri þekkingu.

Strangar kröfur eru gerðar varðandi ferla og gæðastýringu Gold partner Certified fyrirtækja en Cisco tekur árlega út þau fyrirtæki sem ná þessum áfanga.

Hátt þekkingarstig

Cisco Gold Partner Certification gerir kröfu á Sensa að hafa hátt þekkingarstig en níu tæknimenn Sensa hafa náð hinni torfengnu CCIE (Cisco Certified Internetworking Expert) gráðu – en þessi gráða er ein sú eftirsóttasta í upplýsingatækniheiminum.

Sensa státar einnig að nokkrum undir vottunum sem staðfesta sérþekkingu í hinum ýmsu umhverfum.
Meðal annars má nefna;

ADVANCED SECURITY ARCHITECTURE SPECIALIZATION
ADVANCED COLLABORATION ARCHITECTURE SPECIALIZATION
ADVANCED DATA CENTER ARCHITECTURE SPECIALIZATION
ADVANCED ENTERPRISE NETWORKS ARCHITECTURE SPECIALIZATION
CISCO OPEN STACK PRIVATE CLOUD

Á myndinni má sjá Cisco CCIE sérfræðinga Sensa.

Eldgos á Reykjanesi

Sensa hefur virkjað viðbragðsáætlanir vegna eldgossins á Reykjanesi.

Verne gagnaver, sem hýsir vélasal Sensa er ekki í hættu vegna eldgossins.

Mesta hættan snýr að ljósleiðaratengingu við Suðurstrandaveg og fylgist Sensa vel með gangi mála. Sensa er tvítengt við gagnaverið en hin ljósleiðartengingin er meðfram Reykjanesbraut.

Fyrir um mánuði síðan gerði Sensa prófanir á yfirfærslu gagnasambanda sem gengu vel fyrir sig.

Sensa fylgist vel með gangi mála og mun senda frá sér tilkynningu ef ástæða þykir.

Vegna jarðhræringa á Reykjanesi

Í ljósi jarðhræringa á Reykjanesskaga hefur Sensa, frá því að þeirra varð vart, farið yfir neyðar- og viðbragðsáætlanir og vill koma eftirfarandi á framfæri:

Verne gagnaver, sem hýsir vélasal Sensa, er tvítengt með rafmagni frá sitthvorri leiðinni auk varaaflsgjafa sem taka við ef rafmagn þrýtur.

Tvær ljósleiðaratengingar eru frá Sensa við gagnaverið og liggja nokkuð fjarri hvor annarri. Önnur samhliða Reykjanesbraut og hin samhliða Suðurstrandavegi og eru frá sitthvorri gagnaveitunni. Ljósleiðarar eru vel varðir gagnvart jarðskjálftum, líklegra er talið að hraunstreymi gæti valdið ljósleiðararofi. Prófanir á yfirfærslu gagnasambanda voru gerðar fyrir um mánuði síðan sem gengu vel.

Skerpt hefur verið á viðbragðsáætlunum varðandi flutning gagna og vélarafls frá Verne gagnaveri ef svo ber undir.

Sensa fylgist vel með gangi mála. Fréttir af mögulegu eldgosi benda til þess að ekki verði um hamfaragos að ræða og nokkuð rými skapist til að vega og meta aðstæður hverju sinni.

Frítt net í Reykjavík

Nú er hægt að tengjast internetinu án endurgjalds á fjórum stöðum í Reykjavík. Sensa sá um uppsetninguna fyrir Reykjavíkurborg sem fékk styrk frá WiFi4EU sem er verkefni á vegum Evrópusambandsins.

Þessir staðir eru meðal annars við Listasafn Reykjavíkur í Hafnarhúsinu, við Ráðhús Reykjavíkur, við Kjarvalsstaði á Klambratúni og við Laugardalslaug.

Einungis þarf að opna staðarnetið WiFi4EU í snjalltækinu og með einum smelli eru notendur komnir með gjaldfrjálsan aðgang að internetinu.

WiFi4EU – Free Wifi for Europeans er verkefni á vegum Evrópusambandsins sem styrkir uppsetningu á opnum þráðlausum netum fyrir almenning á vegum sveitarfélaga innan Evrópska efnahagssvæðisins (EES) með 15 þúsunda evra framlagi. WiFi4EU uppfyllir alla nýjustu staðla og er öflugt, öruggt og afkastamikið netkerfi.

Með uppsetningu á 10 sendum við valin almenningssvæði bætist Reykjavík í hóp rúmlega 20 sveitarfélaga á Íslandi og tæplega 30 þúsund borga og bæja um gjörvalla Evrópu sem bjóða opið internet.

Sérfræðingar Sensa sáu um uppsetningu og munu sjá um rekstur þráðlausa netsins fyrir Reykjavíkurborg. Sensa er vottaður samstarfsaðili Cisco Meraki en netlausnin samanstendur af Meraki skipti (e. Switch) með svokölluð „multigigabit“ tengimöguleika sem m.a. gerir Wi-Fi 6 notkun mögulega í framtíðinni. Miðlægur Meraki eldveggur sér um að hámarka öryggi og verja alla notendur sem nýta sér frítt internet á þessum stöðum. Cisco hefur með Meraki netlausnum verið leiðandi búnaður þegar kemur að því að byggja upp örugg opin netkerfi hjá fyrirtækjum og stofnunum sökum áreiðanleika og öryggis.

„Reykjavík er þegar fremst á meðal jafningja þegar kemur að því að tengjast umheiminum og háhraða ljósleiðari hefur þegar verið tengdur inn á allflest heimili, fyrirtæki og stofnanir í borginni“ segir Óskar Sandholt sviðsstjóri þjónustu- og nýsköpunarsviðs Reykjavíkurborgar. „Þetta er því fyrst og fremst skemmtileg viðbót sem Evrópusambandið býður okkur upp á með WiFi4EU og gefur gestum og íbúum tækifæri til að hafa enn frekari samskipti sín á milli og deila sögum og myndum úr borginni með öðrum“.

Reykjavíkurborg býður frítt internet á völdum stöðum | Reykjavíkurborg (reykjavik.is)

Microsoft sérfræðingur á Akureyri

Ertu sérfræðingur í Microsoft lausnum? Sensa leitar að öflugum aðila til að starfa á Akureyri.

Viðkomandi þarf að hafa góða þekkingu og reynslu af rekstri og umsýslu Microsoft 365 lausna.

Í starfinu felst þjónusta við viðskiptavini í gegnum fjartengingar og síma varðandi rekstur netþjóna, útstöðvar og annarra jaðartækja auk umsýslu og aðstoð með Microsoft 365 umhverfi.

Umsóknir og eða fyrirspurnir um starfið sendist á starf@sensa.is fyrir 28. janúar 2021.

Nauðsynlegt að uppfæra Solarwinds

Í tengslum við tölvuinnbrot hjá Fireeye kom í ljós að Solarwinds eftirlitsbúnaðurinn var notaður til að dreifa óværu. Útgáfurnar sem um ræðir eru 2019.4 HF 5 til 2020.2.1 og voru gefnar út frá mars til júní 2020. Hvatt er til þess að uppfæra strax í útgáfu 2020.2.1 HF1. Fleiri uppfærslur fylgja í kjölfarið á morgun eða næstu daga.

Nánar um tilkynninguna frá Fireeye.

Ráðleggingar: Security Advisory | SolarWinds

Nánari tilkynningar munu berast inn á þennan þráð eftir því sem við á.

Jólin láta allt smella saman

Jónatan Þór Jónasson, öryggissérfræðingur hjá Sensa og CCIE, er mikið jólabarn. Hann bókstaflega telur dagana til jóla og desember er svo sannarlega hans mánuður.

„Það er bara allt við jólin sem mér finnst skemmtilegt. Þetta smellur allt saman – jólabakstur, góður matur, samveran og fjölskylduboðin (þegar það er ekki heimsfaraldur) og hvernig það birtir til í skammdeginu þegar jólaljósin birtast út um allt,“ segir Jónatan.

Jónatan segist ekki muna eftir því að hafa ekki verið spenntur fyrir jólunum. „Það er alltaf ákveðin tilhlökkun fyrir þessum tíma árs, að byrja að skreyta og baka og koma jólaskapinu af stað.

Varðandi jólahefðir þá segir Jónatan að einu sinni hafi hann verið mikið fyrir það að halda fast í ákveðnar hefðir og vildi lítið út af breyta. „En ég hef lært að það er mikilvægt að vera tilbúinn að prófa að breyta til og skapa nýjar hefðir, það getur komið skemmtilega á óvart. Það eru þó nokkur atriði sem haldast nokkurnveginn óbreytt eins og að börnin fái nýja bók á aðfangadagskvöld og að heimilið fái nýtt borðspil til að spila yfir jólin. Þegar öllu er á botninn hvolft þá snýst þetta bara um að hafa það kósý.“

Jónatan mælir með að nýta desember til að njóta. „Fara í bæinn eða í verslunarmiðstöð án þess að hafa það að markmiði að versla eitthvað. Koma við í jólaþorpinu í Hafnarfirði. Sitja með heitt kakó eða góðan kaffibolla og njóta jólastemningarinnar. Passa að allar ferðir út úr húsi séu ekki tengdar við jólagjafainnkaupastress.“ Hann bætir þó við að þetta eigi ekki við á meðan að heimsfaraldur geysar. Besta ráðið í ár sé að panta skemmtilegt borðspil af innlendri netverslun til að spila við fjölskylduna.

Crayon Group nýr eigandi Sensa

Í vikunni var tilkynnt að Crayon Group AS hafi keypt öll hlutabréf í Sensa af Símanum.

Sensa hefur verið í eigu Símans í rúmlega þrettán ár og á þeim tíma hefur Sensa vaxið og eflst. Nú þykir rétti tíminn til að Sensa taki næsta skref innan nýrrar alþjóðlegrar samsteypu. Síminn verður áfram í hópi lykilviðskiptavina Sensa þrátt fyrir breytt eignarhald.

Innan Crayon verður Sensa áfram sjálfstætt fyrirtæki og starfar á þeim grunni sem það hefur gert í tæplega tuttugu ár, að setja hagsmuni viðskiptavina sinna í forgrunn og laða til sín framúrskarandi starfsfólk sem hefur ástríðu fyrir því að gera betur og nýta tæknina til hagsbóta fyrir viðskiptavini sína.

Sem hluti af Crayon samsteypunni getum við boðið viðskiptavinum okkar fleiri, hagkvæmari og margþættari stafrænar lausnir. Snertiflötur okkar starfsmanna innan framsækinnar samsteypu, mun án efa gefa okkur tækifæri til að starfa í alþjóðlegu umhverfi við þróun og úrlausnir á sviði upplýsingatækni og vaxa þannig enn frekar og styrkjast sem fagfólk.

Crayon er alþjóðlegt fyrirtæki með höfuðstöðvar í Ósló í Noregi. Hjá fyrirtækinu starfa nú um 1.700 starfsmenn og er fyrirtækið með 55 starfsstöðvar í 35 löndum. Crayon er nú þegar leiðandi á heimsvísu í upplýsingatækni og stafrænum lausnum.

Framundan eru því spennandi tímar hjá Sensa og viðskiptavinum fyrirtækisins í stafrænni vegferð inn í framtíðina.

Áætlað uppgjör viðskiptanna mun eiga sér stað í lok febrúar 2021 að uppfylltum skilyrðum m.a. um samþykki Samkeppniseftirlitsins.

Sýndarferðalag Sensa

Starfsfólk Sensa lagði upp í sýndarferðalag til Fucking í Austurríki þann 1. nóvember sl. með viðkomu í Hell í Noregi. 18 dögum seinna voru hreyfióðir Sensalingar komnir til Fucking og höfðu gengið, hlaupið og hjólað 5.003 kílómetra. Þarna voru allir komnir í gírinn og stefnan því sett á að halda áfram alla leið til Betlehem í Palestínu.

Virkilega gaman hefur verið að fylgjast með hvað vinnufélagar eru að gera sér til hreyfingar og fylgjast með kílómetrastöðunni. Alls hafa 100 af 117 starfsmönnum Sensa skráð sína hreyfingu í appið sem nálgast má í Teams eða í símaappi.

Hægt er að fylgjast nákvæmlega með hversu margir kílómetrar liggja að baki, hvað mikið er eftir, hvert hópurinn er kominn og hvað hver og einn er að gera sér til hreyfingar.

Það tók 5 manna hóp af sérfræðingum Sensa innan við dag að búa til þetta app sem sýnir raunstöðu hverju sinni. Appið er samansett af lausnum á borð við PowerApp, SharePoint List, Azure SQL, Logic App Resource, AppService og PowerBi.

Það sem byrjaði sem lausn fyrir einfalt verkefni til að halda utan um ferðalagið, opnaði á að geta boðið viðskipavinum okkar upp á sömu útfærslu. Hvort sem það er fyrir sýndarferðalag til að hvetja starfsmenn að hreyfa sig, eða einfaldlega fyrir verkefnastýringu. Með appinu væri þá hægt að sýna sjónrænt raunstöðu verkefnis og hvetja þannig starfsmenn áfram.

Sýndarferðalag Sensa heldur að minnsta kosti áfram um sinn. Ef þitt fyrirtæki hefur áhuga á að fara í ferðalag líka þá endilega hafa samband og við hjálpum til við að gera upplifunina áhugaverðari.

Gaman verður að sjá hvenær Sensastarfsfólk nær til næsta áfangastaðar, Betlehem, en þegar þangað er komið eru kílómetrarnir komnir í 8.365.

Endilega hafðu samband við söludeild Sensa í síma 425 1500 eða sendu okkur línu á sala@sensa.is ef þú vilt fræðast meira um sýndarferðalög!

Hvers vegna SAP á AWS?

Föstudaginn 27. nóvember kl. 10 stendur Sensa fyrir sérstakri kynningu (rafrænt) á kostum þess að keyra SAP umhverfið í AWS (Amazon Web Services) skýjaþjónustunni.

Á kynningunni mun Stig Skaugvoll og Steve Quinn frá AWS fara yfir það hvers vegna fyrirtæki eru að færa SAP umhverfi sín í AWS skýjaumhverfið. Í framhaldi mun svo Ólafur Harðarson frá Símanum fara yfir reynslusögu þeirra en Síminn gangsetti S/4HANA umhverfið sitt í AWS í júní 2019.

Dagskrá:
10:00 – Samstarf Sensa og AWS. Eyjólfur Ólafsson, Sensa
10:05 – SAP on AWS – The New Normal. Stig Skaugvoll og Steve Quinn, AWS
10:35 – SAP á AWS – Reynslusaga Símans. Ólafur Harðarson, Síminn
10:50 – Spurningar og svör

Hvað er AWS? Amazon Web Services (AWS) er umfangsmesta og víðtækasta almenningský (public cloud) heims og býður upp á þjónustur frá gagnaverum um allan heim. Milljónir viðskiptavina nota AWS til að lækka kostnað, verða liprari og auka hraða nýsköpunar.

Hvað er SAP? SAP er einn fremsti framleiðandi hugbúnaðar fyrir stjórnun viðskiptaferla, skilvirka gagnavinnslu og upplýsingaflæðis.

Sensa framúrskarandi 11. árið í röð!

Sensa er Framúrskarandi fyrirtæki 2020. Í 11 ár hefur Creditinfo unnið greiningu á rekstri íslenskra fyrirtækja og veitt Framúrskarandi fyrirtækjum viðurkenningu fyrir árangurinn.

Við erum virkilega stolt yfir því að hafa verið á listanum frá upphafi.

Heimaskrifstofan – tól og tæki

Þröstur Sigurjónsson, leiðtogi viðskiptaþróunar hjá Sensa, ákvað að kynna sér hvaða lausnir væru í boði fyrir heimaskrifstofuna – og deila því með okkur.

Þegar bylgja tvö af Covid hófst, þá hugsaði ég að nú væri tími til að uppfæra aðstöðuna heima þar sem ég myndi vera á fjarfundum allan daginn í óákveðinn tíma. Fram að þessu hafði ég notað vinnufartölvuna í fjarfundi, en hún er mér til hliðar við tölvuna sem ég vinn á að heiman, og var allur orðinn skakkur.

Ég ákvað því að kynna mér hvaða lausnir væru í boði og lærði í leiðinni ýmislegt sem mér langaði að deila með ykkur ef þið væruð í sömu sporum.

Myndavélar

Þegar kemur að myndavélum þá er augljósi kosturinn að notast við vefmyndavél. Það hefur orðið merkilega lítil þróun í þeim á síðustu árum og bestu kaupin í slíkri vél í dag er í raun sama vél og fyrir 8 árum, nema sama vél hefur farið úr 50$ í rúmlega 100$ vegna Covid.

Logitech C920 – hagstæð vefmyndavél

DSLR

Fagmennirnir („Pro Streamers“) notast allir við DSLR myndavélar við sínar útsendingar, enda mun meiri myndgæði og möguleikar með mismunandi linsur. Það vita það þó ekki allir að þetta sé möguleiki og sitja með flotta myndavél uppi í hillu sem getur gert þig að flottasta(nn) á fjarfundinum. Til að tengja myndavélarnar við tölvuna þarf þó „Capture Card“. Þau eru til í ýmsum útgáfum og verðflokkum en nýjustu myndavélarnar eru jafnvel með þetta innbyggt og gera kortin óþörf.

Capture Card – top-o-the-line

GoPro

Í raun þá fellur GoPro undir sama hatt og DSLR, en langaði til að taka þann möguleika sérstaklega fram þar sem GoPro vélar hafa góða víðlinsu og hátt „frame-rate“ alveg frá GoPro 3 sem getur 720p – 60fps og GoPro 4 sem ræður við 1080p í 120fps sem er langt umfram getu á vefmyndavélum. Það er hægt að finna notaðar GoPro vélar á hagstæðu verði.

Snjallsíminn

Enn önnur aðferðin er sú sem allir hafa aðgang að og það er að nota farsímann sinn sem myndavél. Þetta er hægt að gera bæði yfir WiFi eða með USB snúru eftir þeirri aðferð sem er notuð. Snjallsímarnir eru yfirleitt með mjög góðar myndavélar og hægt er að fá góða niðurstöðu við að nota þessa aðferð, þó er það ákveðnum takmörkunum háð.

Iriun – USB

Screen Link (iPhone / iPad) – WiFi

Lýsing

Við höfum öll séð góð ráð um hvernig skuli standa að myndfundum og þar kemur alltaf fram að passa skuli upp á lýsingu, t.a.m ekki hafa bak í glugga og svo framvegis. Raunveruleikinn er að það rými sem við aðgang að er ekki endilega með marga möguleika um hvernig við snúum og fáum ljós á okkur. Hinsvegar, þá er hægt að lagfæra það með rétt staðsettum ljósum eða lömpum sem þarf ekki að vera dýr lausn.

Neewer Lightning Kit

Hljóðnemar

Hljóðgæði skipta í raun meira máli en myndgæði á fjarfundum og því er mikilvægt að huga að því. Hljómgæði í vefmyndavélum eru yfirleitt frekar slök, enda fjarlægð frá míkrafón nokkur. Það sama á við um míkrafóna í fartölvum, þó þarf geti munað mjög miklu á gæðum eftir tegund og framleiðanda. Yfirleitt er maður þó betur settur með heyrnartól með míkrafón, sem þá einnig minnka líkurnar á því að hljóð viðmælanda leki í gegn og valdi „echo“. Hljóðnemar þurfa ekki að vera dýrir til að gera mjög mikið og margir þeirra með innbyggt „noise reduction“ þó ódýrir séu. Umhverfishljóð er eitthvað sem truflar næstum alla fundi en það eru til nokkrar lausnir sem minnka slíkt verulega og svínvirka. Krisp.ai virkar vel til þess að minnka umhverfishljóð en fyrir eigendur af Nvidia RTX skjákortum, þá er Nvidia Broadcast betri kostur.

Ódýr heyrnartól

Sennheiser SC 30

Míkrafónn – stefnuvirkur

Blue Yeti Nano

Hugbúnaður

Krisp.ai

Nvidia Broadcast

Aukahlutir

Hér er listi yfir nokkra sniðuga aukahluti og hugbúnað sem gætu nýst við að koma upp góðri aðstöðu;

USB Hub with Power Switches – til að slökkva á einstaka hlutum

Tripod – for Webcams and Phones

Logitech G Hub – virkar með Blue Mics

OBS Studio – öflugt tól til að aðlaga mynd og hljóðgæði

All-in!

Eins og með allt, þá er hægt að missa sig í þessu – hér eru nokkrir skrambi góðir hlutir sem allt dellufólk ætti að eiga;

Sennheiser MB Pro 1 UC ML Bluetooth Headset

Rode PodMic Dynamic Podcasting Microphone

Elgato Key Light

MOTU M2 2×2 USB-C Audio Interface

M-Audio AIR 192

Elgato Streamdeck

Sensa sérhæfir sig meðal annars í fjarfunda- og samskiptalausnum (Cisco Webex, Teams og Sjáumst) sem og samskiptaverslausnum (þjónustuver), búnaði og fleiru fyrir fyrirtæki. Hér er hægt að lesa um góðar samskiptalausnir fyrir fyrirtæki.

Cisco fundaröð um framtíð vinnustaðarins

Cisco býður til fimm daga fundaraðar um framtíð vinnustaðarins. Um er að ræða klukkutíma fyrirlestra kl. 16 á hverjum degi frá mánudeginum 11. maí til föstudagsins 15. maí. Streymt verður frá fyrirlestraröðinni á samfélagsmiðlum.

Virkilega áhugaverðir fyrirlestrar sem enginn ætti að missa af. https://virtualsummit.webex.com/

Þrír reynsluboltar til Sensa

Þrír reynslumiklir starfsmenn hafa bæst í hópinn. Við bjóðum þá Guðbjarna, Sigurð og Björgvin innilega velkomna!

Guðbjarni Guðmundsson, einn reynslumesti netsérfræðingur landsins, hefur gengið til liðs við sterkt teymi Sensa í net- og öryggislausnum. Guðbjarni hefur undanfarin tuttugu ár starfað hjá Opnum Kerfum sem sérfræðingur og ráðgjafi í innleiðingum á net- og öryggislausnum fyrir stærri fyrirtæki og stofnanir. Þá var hann samhliða ráðgjöf forstöðumaður Kjarnalausna síðustu fimm ár. Guðbjarni er rafmagnsverkfræðingur frá Háskóla Íslands og með CCIE gráðu frá Cisco eða Cisco Certified Internetworking Expert, sem er eftirsótt í upplýsingatækniheiminum.

Sigurður H. Ólafsson hefur verið ráðinn í viðskiptaþróun Netapp hjá Sensa. Hlutverk Sigurðar verður að skapa nýjar lausnir og þjónustur úr lausnamengi Netapp með áherslu á samnýtingu gagna á milli skýjalausna og hefðbundinna gagnageymslna. Sigurður styrkir öflugan hóp hjá Sensa sem einbeitir sér að lausnum er snúa að gagnaumsýslu fyrir fyrirtæki og stofnanir. Gögn fyrirtækja og meðhöndlun þeirra er lykilatriði í samkeppnishæfni fyrirtækja og er markmið Sensa að bjóða viðskiptavinum sínum hagkvæmar og virðisaukandi lausnir er snúa að því að virkja gögn til verðmætasköpunar.

Björgvin Björgvinsson hefur verið ráðinn viðskiptastjóri hjá Sensa. Hlutverk Björgvins verður fyrst og fremst sala og sérhæfing í Microsoft 365 umhverfinu og skýjalausnum, ásamt almennum rekstrarlausnum fyrir fyrirtæki og stofnanir. Björgvin hefur undanfarin fjórtán ár starfað hjá Epli. Þar hefur hann gegnt ýmsum störfum meðal annars á fyrirtækjasviði og gegnt hlutverki verslunarstjóra síðastliðin fimm ár. Þá hefur hann samhliða unnið sem vefstjóri og stofnað og rekið vefverslanir í gegnum tíðina. Björgvin útskrifast í vor með MCSA og CCNA gráðu í kerfisstjórnun.

Microsoft Teams þriggja ára!

Teams varð þriggja ára fyrir skömmu og í tilefni þess munu koma út þrjár spennandi uppfærslur á næstunni.

1. Hægt verður að sjá 9 fundargesti í einu í stað 4.
Ein algengasta spurningin sem notendur Teams spyrja er hvort ekki sé hægt að sjá fleiri en 4 í einu. Loksins hefur því verið breytt upp í 9. Einnig er lofað frekari aukningu á næstunni. Byrjað hefur verið að rúlla út þessum breytingum og ættu allir að geta séð hana í lok apríl.

2. Skiptu um bakgrunn í myndfundi.
Nú er hægt að skipta um bakgrunninn þegar þú ert í mynd. Áður var einungis hægt að „blörra“ bakgrunninn en í sömu stillingum getur þú nú valið um mismunandi myndir sem Microsoft býður upp á. Heyrst hefur að þeir séu að vinna í því að hægt sé að nota sínar eigin myndir sem bakgrunn.

3. Spjall í nýjum glugga
Núna í apríl á að koma út sú breyting að hægt sé að opna samtöl í nýjum glugga. Seinna mun svo einnig vera hægt að opna skjöl, símtöl og fundi á sama hátt. Þá þarf ekki lengur að vera alltaf að fara fram og tilbaka í Teams.

Linda Dögg Guðmundsdóttir er sérfræðingur í skýjalausnum hjá Sensa.

Cisco Webex – Frí prufuáskrift

Hægt er að fá fría prufuáskrift á Cisco Webex fjarfundakerfinu án bindingar. Engar tímatakmarkanir og hægt að bjóða allt að 100 manns – frítt. Vegna Covid-19 hefur Webex ákveðið að bjóða upp á fría fundi fyrir allt að 100 manns í einu án tímatakmarkana.

Cisco Webex lausnaframboðið býður m.a. upp á:

Streymi
Upptökur
Útsendingar
Sérsniðið útlit

Hægt er að lesa nánar um Cisco Webex með því að smella hér.

Frí aðstoð með Teams

Office 365 hefur notið mikilla vinsælda á seinustu árum og eru margir komnir með aðgang að Microsoft Teams sem fylgir öllum þeirra áskriftum.

Teams hefur verið í notkun í rúm tvö ár en núna vegna ástandsins hefur notendum fjölgað umtalsvert og í kjölfarið höfum við fundð vöntun fyrir bæði fræðslu og aðstoð. Einnig hefur þeim fjölgað mjög sem sækja námskeiðin.

Teams er í raun öflugt samskiptatól; þar er hægt að stýra verkefnum, vinna saman í skjölum og halda fjarfundi með stórum hópum svo eitthvað sé nefnt.

Sensa hefur ákveðið að veita fría aðstoð við notkun Teams meðan samkomubann vegna Covid-19 stendur yfir. Aðstoðin verður á því formi að hægt er að leita til okkar með spurningar með því að senda tölvupóst á hjalp@sensa.is og fá góð ráð varðandi notkun á Microsoft Teams. Ekki er um að ræða flóknari aðgerðir, yfirtökur né námskeið.

Í boði eru tvenns konar námskeið í Teams.

Almennt Teams námskeið

Fyrir alla sem vilja nota Teams samvinnulausnina.

Teams námskeið fyrir teymisleiðtoga

Fyrir hópstjóra sem langar að ná betri tökum á notkun Teams fyrir funda- og verkefnastjórnun.

Linda Dögg Guðmundsdóttir er sérfræðingur í skýjalausnum hjá Sensa.

Tveir Sensa starfsmenn í hópi 500 fyrstu til að fá hina nýju Cisco DevNet gráðu!

Í byrjun mars voru tveir Sensa starfsmenn meðal þeirra 500 fyrstu til að ná sér í nýja Cisco gráðu sem heitir Cisco DevNet Certification.

DevNet er prógram fyrir forritara og aðra upplýsingatækni
sérfræðinga sem vinna með hugbúnaðarþróun og fleira á móti Cisco vörum. Þeir
Jónatan Þór Jónasson og Freyr Guðjónsson eru því með þeim 500 fyrstu í heiminum
til að standast próf sem gaf þeim þessa nýju gráðu; DevNet Associate, CCNA.

DevNet prógrammið hjálpar sérfræðingum að skrifa forrit og
þróa samþættingu við Cisco vörur.

Cisco DevNet gráðurnar staðfesta hæfni viðkomandi m.t.t.
hugbúnaðarþróunar, forritunar og sjálfvirkni (e. Automation).

Fjarfundir & Fjarvinna

Mörg fyrirtæki þurfa þessa dagana að treysta á fjarfundi og fjarvinnu síns starfsfólks. Við tókum saman þessar helstu lausnir (og leiðbeiningar) varðandi nokkur af þeim fjarvinnutólum og tækjum sem í boði eru. Úrvalið er mikið en ljóst er að flest fyrirtæki ættu að geta fundið þá lausn sem þeim hentar.

https://sensa.is/fjarfundir-og-fjarvinna/

Sensa á UTmessunni

Tíunda UTmessan verður haldin nk. föstudag og laugardag. Eins og undanfarin 5 ár mun Sensa vera með bás á sýningasvæðinu.

Við munum m.a. leggja áherslu á skýjavegferðina og Office 365 sérfræðingarnir okkar verða á staðnum. Einnig verða fulltrúar frá NetApp á básnum sem og fulltrúar frá öryggisbirgjunum PaloAlto og mnemonic.

Hvetjum alla til að kíkja við hjá okkur! Sjá nánar á www.sensa.is/utmessan

Sensa og HUX sameinast

Sensa hefur gengið frá kaupum á HUX ráðgjöf og bætast allir starfsmenn félagsins við hóp 120 starfsmanna Sensa.

Undanfarin ár hefur Sensa meðal annars byggt markvisst upp þekkingu á hagnýtingu Microsoft lausna. Leyfisráðgjöf hefur skipað stóran sess, ásamt því hvernig best sé að flokka og skipuleggja upplýsingar og gögn í skýinu, tryggja öryggi og flæði til að auka virði.

Fjölmörg fyrirtæki reiða sig á Microsoft lausnir í starfsemi sinni og varðveita þar mikil verðmæti í formi ýmissa gagna og upplýsinga um reksturinn. Á undanförnum mánuðum og misserum hefur Microsoft gert umtalsverðar breytingar á leyfismálum og skýjalausnum sínum. Mikið er í húfi fyrir fyrirtæki að innleiða lausnir sem fyrir hendi eru, en jafnframt tryggja einfalt og þægilegt rekstrarumhverfi. Á það við um allt frá ráðgjöf og kaupum á leyfum, yfir í skipulag og vistun gagna.

Sérfræðingar HUX hafa áralanga reynslu af skjalastjórnun og smíði virðisaukandi þjónustu með Microsoft.

Sensa styrkir stöðu sína enn frekar með sameiningu við HUX sem leiðandi fyrirtæki þegar kemur að því að skapa umhverfi þar sem lausnir Microsoft nýtast sem best.

Ekki hika við að hafa samband ef þú vilt frekari upplýsingar og/eða fá kynningu á því aukna virði sem Microsoft lausnir í dag bjóða upp á.

Leynist tölvuþrjótur í póstinum þínum?

Öryggi er meira og meira í umræðunni í sítengdum heimi. Hér reynum við að útskýra eina algenga leið sem tölvuglæpamenn nota þegar þeir eru komnir inní vefpóstinn þinn og hvernig má lagfæra slíkt í Office365.

https://www.youtube.com/watch?v=po2XUmsDz2Q

Framúrskarandi í 10 ár!

Framúrskarandi í 10 ár! Sensa tók í gær á móti viðurkenningu sem Framúrskarandi fyrirtæki 2019. Við erum stolt af því að hafa verið á þessum lista frá upphafi eða sl. 10 ár. Á myndinni má sjá Sigurð M. Jónsson, framkvæmdastjóra sölusviðs, taka á móti viðurkenningunni.

Cisco gull vottun síðan 2007

Í september hlaut Sensa sína 12. gull vottun í röð frá Cisco. Cisco gull vottun gefur til kynna þekkingarstig fyrirtækisins. Sensa er eina fyrirtækið á Íslandi sem hefur náð gull vottun frá Cisco.

Vottunin staðfestir þekkingu og hæfni Sensa í netkerfum, samskiptalausnum, öryggi og þjónustu, ásamt því að ferlar og vinnubrögð uppfylla strangar kröfur Cisco. Fyrir viðskiptavini Sensa tryggir þetta að kjör á búnaði verða þau bestu sem völ er á sem og aðgengi að tæknilegri þekkingu.

Strangar kröfur eru gerðar varðandi ferla og gæðastýringu Gold partner Certified fyrirtækja en Cisco tekur árlega út þau fyrirtæki sem ná þessum áfanga.

Hátt þekkingarstig

Cisco Gold Partner Certification gerir kröfu á Sensa að hafa hátt þekkingarstig en átta tæknimenn Sensa hafa náð hinni torfengnu CCIE (Cisco Certified Internetworking Expert) gráðu – en þessi gráða er ein sú eftirsóttasta í upplýsingatækniheiminum.

Sensa státar einnig að nokkrum undir vottunum sem staðfesta sérþekkingu í hinum ýmsu umhverfum.
Meðal annars má nefna;

ADVANCED SECURITY ARCHITECTURE SPECIALIZATION
ADVANCED COLLABORATION ARCHITECTURE SPECIALIZATION
ADVANCED DATA CENTER ARCHITECTURE SPECIALIZATION
ADVANCED ENTERPRISE NETWORKS ARCHITECTURE SPECIALIZATION
CISCO OPEN STACK PRIVATE CLOUD

Cisco Catalyst 1000 búnaður

Cisco voru að kynna til leiks nýja línu af netbúnaði sem hentar einstaklega vel fyrir íslenska markaðinn þar sem búnaðurinn er sérsniðinn fyrir net af stærðinni 10 – 250 notendur.

Ekki hika við að hafa samband við okkur í síma 425 1700 eða sala@sensa.is ef þið viljið nánari upplýsingar.

https://www.cisco.com/c/en/us/products/switches/catalyst-1000-series-switches/index.html

Eydís Eyland

Markaðsstjóri Sensa

skýjaVIST 365 kynnt

Öryggisvegferð Sensa

Öryggisdagur Palo Alto

Öryggi endabúnaðar

Dagskrá:

Skráðu þig á fundinn með því að fylla út formið hér að neðan.

Hver er þá munurinn á þessum hugtökum?

Ávinningur þess að greina betur á milli

Afhverju skiptir skipulag upplýsinga máli?

Vandamálin í upplýsingaóreiðunni

Af hverju eru fáir að taka til?

Hvernig getur Sensa hjálpað?

Fylgist þú með allan sólarhringinn?

Hátt þekkingarstig

Þröstur Sigurjónsson, leiðtogi viðskiptaþróunar hjá Sensa, ákvað að kynna sér hvaða lausnir væru í boði fyrir heimaskrifstofuna – og deila því með okkur.

Myndavélar

DSLR

GoPro

Snjallsíminn

Lýsing

Hljóðnemar

Ódýr heyrnartól

Míkrafónn – stefnuvirkur

Hugbúnaður

Aukahlutir

All-in!

Hátt þekkingarstig

Hýsing

Þjónusta