Upplýsingastefna
Útg. 2.0. – 12. maí 2022
Tilgangur
Stefnan nær utan um gögn í eigu Sensa. Upplýsingastefnan styður við upplýsingaöryggisstefnu.
Upplýsingastefnan tekur til allra upplýsinga á rafrænu- og pappírsformi sem tengjast rekstri og hlutverki Sensa.
Stefna
Sensa ber ábyrgð á flokkun, meðferð, varðveislu og grisjun gagna fyrirtækisins í samræmi við upplýsingaöryggisstefnu, verklagsreglu og samninga við viðskiptavini. Sensa notar upplýsingar af ýmsu tagi í daglegum rekstri og hagar umgengni í samræmi við ofangreinda ábyrgð.
Markmið
- Að upplýsingar séu aðgengilegar starfsmönnum óháð staðsetningu, tíma og tæki.
- Að hámarka öryggi og réttleika upplýsinga.
- Upplýsingar eru geymdar á miðlægum stað og ekki skal margvista upplýsingar.
- Skipulag og verklag samræmt.
- Að starfsmenn finni upplýsingar með lítilli fyrirhöfn.
- Allar upplýsingar sem starfsmenn vinna með séu á rafrænu formi.
- Að undirrituð skjöl séu á rafrænu formi.
Framkvæmd og ábyrgð
Framkvæmdastjóri ber ábyrgð á upplýsingastefnu Sensa og framkvæmdastjórn tryggir framgang hennar. Öryggisstjóri ber ábyrgð á framsetningu og daglegri umsjón stefnunnar ásamt þjálfun starfsmanna.
Starfsmenn bera ábyrgð á daglegri meðferð upplýsinga í samræmi við stefnu og markmið.