Árlegt aðventuboð Sensa var haldið hátíðlega síðastliðinn fimmtudag og var vel mætt af bæði starfsfólki og viðskiptavinum fyrirtækisins. Aðventuboðið hefur verið fastur liður í aðdraganda jóla hjá Sensa og skapað vettvang fyrir góða samveru og tengslamyndun.
Í ár hélt Sensa áfram þeirri hefð sem tekin var upp í fyrra, að veita styrk til góðgerðarmála í nafni viðskiptavina í stað þess að senda konfekt á skrifstofur. Að þessu sinni hlaut styrkinn Einstök Börn, samtals 1.000.000 kr. Tóku Guðrún Helga Harðardóttir, framkvæmdastjóri Einstakra Barna, og Ágúst Kristmannsson, varaformaður, á móti styrknum og þökkuðu stuðninginn innilega.
„Aðventuboðið er liður í því að hitta okkar fólk og eiga gæðastund saman, þakka fyrir samstarfið á árinu og horfa björtum augum fram á við. Einnig er það mjög gefandi og hátíðlegt að gefa til góðgerðarmála í nafni Sensa og viðskiptavina,“ segir Guðmundur Stefán Björnsson, framkvæmdastjóri Sensa.
Aðventuboðið tókst afar vel og skapaði hlýlega og jákvæða stemningu í anda jólanna.
Við þökkum öllum kærlega fyrir komuna til okkar og hlökkum til samstarfsins á nýju ári.
