Jafnréttisáætlun

Jafnréttisáætlun Sensa 2024 - 2027

Jafnréttisáætlun er sett fram til að tryggja að unnið sé í takt við þær kröfur sem fram koma í lögum um jafna stöðu og jafnan rétt kynjanna nr. 150/2020, til að styðja við hlýtingu mannauðs- og jafnréttisstefnu og jafnlaunastefnu og til að stuðla að stöðugum umbótum. Stefnan er órjúfanlegur hluti af mannauðs- og jafnréttisáætlun félagsins. Eftirfarandi tafla sýnir verkefni jafnréttisáætlunar

Útg. 1.0

Jafnréttislög	Markmið	Aðgerð	Ábyrgð	Tímarammi
6. gr. Almenn ákvæði um launajafnrétti og 7. gr. um jafnlaunavottun.	Skýringahlutfall jafnlaunagreiningar sé ekki undir 88%.	Fylgja verklagi um framkvæmd jafnlaunakerfis. Jafnlaunagreining gerð tvisvar á ári.	Mannauðsstjóri	Fjallað um niðurstöðu á leiðtogafundum í framhaldi af launagreiningu og úrbótaverkefni sett á laggirnar ef þörf krefur. Niðurstaða birt í rýni stjórnenda um jafnlaunavottun og framkvæmd jafnréttisáætlunar í nóvember ár hvert.
12. gr. Laus störf, starfsþjálfun, endurmenntun og símenntun.	Að auka hlutfall kvenna hjá Sensa	Hvetja konur sérstaklega til að sækja um auglýst störf hjá fyrirtækinu Bjóða kvenkyns umsækjendum í viðtal jafnvel þó þær uppfylli ekki allar kröfur starfsins á pappír. Laus störf skulu ávallt standa öllum kynjum til boða. Ef tveir jafnhæfir einstaklingar sækja um stöðu skal það kyn sem er í minnihluta ganga fyrir.	Leiðtogi viðkomandi einingar ásamt Mannauðsstjóra.	Niðurstaða birt í rýni stjórnenda um jafnlaunavottun og framkvæmd jafnréttisáætlunar í nóvember ár hvert.
13. gr. Samræming fjölskyldu- og atvinnulífs.	Að stuðla að jafnvægi milli vinnu og einkalífs hjá starfsfólki.	Tryggja skal að allt starfsfólk, óháð kyni, geti samræmt einkalíf og vinnu. Starfsfólki skulu kynnt úrræði á borð við sveigjanlegan vinnutíma, fjarvinnu og aðrar einstaklingsbundnar lausnir. Öllu starfsfólki, óháð kyni, skal vera gert kleift að nýta rétt sinn til fæðingar- og foreldraorlofs og leyfi vegna veikinda barna.	Fjármálastjóri	Fylgst verði með kynjahlutfalli þeirra sem sækja námskeið eða fara í starfsþjálfun. Niðurstaða birt í rýni stjórnenda um jafnlaunavottun og framkvæmd jafnréttisáætlunar í apríl ár hvert.
13. gr. Samræming fjölskyldu- og atvinnulífs.	Að niðurstaða um jafnvægi milli vinnu og einkalífs sé ávallt á styrkleikabili í vinnustaðagreiningu.	Tryggja skal að allt starfsfólk, óháð kyni, geti samræmt einkalíf og vinnu. Starfsfólki skulu kynnt úrræði á borð við sveigjanlegan vinnutíma. Öllu starfsfólki, óháð kyni, skal vera gert kleift að nýta rétt sinn til fæðingar- og foreldraorlofs.	Leiðtogateymi	Niðurstaða vinnustaðagreiningar ár hvert.
14. gr. Kynbundið ofbeldi, kynbundin og kynferðisleg áreitni.	Að kynbundið ofbeldi, kynbundin áreitni og kynferðisleg áreitni sé ekki liðin á vinnustaðnum.	Ef upp kemur atvik er brugðist strax við samkvæmt viðbragðsáætlun. Stefna og viðbragðsáætlun gegn einelti, áreitni, ofbeldi og annarri ótilhlýðilegri háttsemi skal vera öllum aðgengileg og kynnt starfsfólki árlega. Stefna og viðbragðsáætlun gegn einelti, áreitni, ofbeldi og annarri ótilhlýðilegri háttsemi skal vera öllum aðgengileg og kynnt starfsfólki árlega.	Mannauðsstjóri	Atvikaskráning og skráning þjálfunar.

Framkvæmdastjóri er eigandi áætlunarinnar. Forsjáraðili er mannauðsstjóri. Áætlunin er endurskoðuð á þriggja ára fresti, oftar ef þörf krefur. Staðfest af leiðtogateymi fyrirtækisins og undirrituð af framkvæmdastjóra félagsins.
Reykjavík 21. júní 2024.

____________________________________________________________
Valgerður Hrund Skúladóttir
Framkvæmdastjóri

Jafnréttisáætlun

Jafnréttisáætlun Sensa 2024 - 2027

Viltu ráðgjöf?

Hikaðu ekki við að senda okkur línu eða taka upp símann, s. 425 1500