Skip to content

Velkomin í Mac heiminn

Hér eru hnitmiðaðar lýsingar á algengnum skipunum sem gagnast á vinnustöðum með Mac tölvu.

Epla merkið
Staðsett í vinstra horninu á skjánum. Virkar líkt og start-takki í Windows. Þar finnur þú m.a. valmöguleikana Shut down, Restart, Log out, Force to quit (neyðir forrit til að lokast ef það er frosið).

Valmyndin efst á síðunni
Efst á skjánum má finna valmöguleikana sem tengjast forritinu sem þú ert í. Ef þú ert að vinna í Word stendur Word lengst til vinstri, rétt eins og Finder á myndinni hér fyrir neðan. Eftir það koma valmöguleikarnir í forritinu, t.d. File, Edit, View, Insert og svo framvegis.

Dokkan
Dokkan er valmyndin neðst á skjánum, en hún inniheldur yfirleitt þau forrit sem þú notar mest. Þú getur sniðið hana eftir þinni hentisemi, með því að hægri smella á viðkomandi forrit og velja Add to dock eða Remove from dock.

Launchpad
Launchpad eða „eldflaugin“ inniheldur öll þau forrit sem eru í Mac tölvunni þinni og er oftast að finna í dokkunni. Ef ekki þá getur þú leitað í stækkunarglerinu (staðsett í hægra horni skjásins).

Sameign
Til að tengjast sameignaskrá fyrirtækisins, þarftu að fara í Finder og gera skipunina Command ⌘+ K. Þar er slóð sem þú getur tengst með því að smella á hana. Gott er að fá tæknimann til að festa táknið á skjáborðið sem tengir þig við sameignina.

App Store
Inniheldur forrit sem þú getur sett inn á Mac tölvuna þína en þá þarftu að nota Apple ID. Einnig er hægt að sækja forrit á veraldarvefinn, t.d. Office pakkann.

Safari
Mac vafri sem virkar eins og aðrir vafrar. Ekki er hægt að fá Safari í Windows vél. Safari getur vistað lykilorðin þín á ákveðnum síðum og tengt við iCloud Keychain. Það er örugg vistun!

iCloud Keychain
Öryggishólf sem geymir þín helstu lykilorð. Mikilvægt er að muna lykilorðið sitt inn á Keychain. Þarna þarftu oftast tæknimann til aðstoða þig.

Apple ID
Auðkennið þitt í MacOS heiminum. Með því getur þú sótt forrit í App Store, sent iMessage, Facetime og fleira. Þú getur ekki komist framhjá því að eiga Apple skilríki í Mac tölvum.

System Preferences
Svipað og stjórnborðið (Control Panel) í PC. Þú finnur System Preferences í eplinu efst vinstra megin. Þar er hægt að stjórna stillingum á skjá, Bluetooth tengingum, hljóði, notendastillingum og fleiru.

Lyklaborðið – skipanir sem gott er að kunna

Option + Q = til að gera @ merki
Command ⌘ + C = afrita (Copy)
Command ⌘ + V = líma (Paste)
Command ⌘ + F = til að finna orð á blaðsíðu
Command ⌘ + H = fela efsta forritið sem er opið hjá þér
Command ⌘ + M = minnkar gluggana
Command ⌘ + Space = stækkunargler neðst í hægra horninu, til að leita eftir forriti/skjölum í tölvunni

Viltu ráðgjöf?

Hikaðu ekki við að senda okkur línu eða taka upp símann

Sensa ehf. notar vefkökur (e.cookies) m.a. til að bæta vefinn og aðlaga betur að þörfum notenda. Nánari upplýsingar hérna.