Námskeið og fræðsla

Námskeið

Þekkingarhús Sensa

Fræðsla er ein merking orðsins Sensa. Til þess að standa undir nafni hefur félagið rekið Þekkingarhús Sensa frá upphafi. 

Þekkingarhúsið stuðlar að því að tæknimenn fyrirtækja og stofnana um land allt geti sótt viðeigandi þekkingu og fræðslu til að geta betur sinnt almennu viðhaldi og stuðlað að framtíðarþróun sinna samskiptakerfa. Eitt af markmiðum Sensa er að veita viðskiptavinum sem allra bestu fræðslu á þessu sviði. Þannig er tryggt að þekkingarstigið eykst jafnt og þétt og að þær lausnir sem hér eru innleiddar henti fullkomlega fyrir viðfangsefnið, séu arðsamar og henti til framtíðar. Hundruðir ánægðra þátttakenda á námskeiðum Sensa er besti mælikvarðinn á gæði námskeiðanna sem haldin eru á okkar vegum.

Fjölbreytt námskeið

Námskeiðin innihalda allt frá byrjendaáföngum í netfræði, sem hentað geta tæknimönnum eða stjórnendum sem þurfa góða innsýn inn í samskiptalausnir, upp í mjög ítarlegt námsefni sem hentar einungis tæknimönnum með áralanga reynslu af rekstri samskiptakerfa.

Nánari upplýsingar um námskeið veitir omar@sensa.is

Dæmi um námskeið í boði

  • Netfræði – allt frá undirstöðuatriðum til sérhæfðrar tækni
  • Símkerfi
  • Myndfundakerfi
  • Þráðlaus netkerfi
  • Öryggismál
  • Eftirlit og stjórnun netkerfa

Skilmálar vegna skráningar á námskeið

Eftir að skráð hefur verið á námskeið fær þátttakandi tölvupóst frá Sensa. Með því að svara þeim tölvupósti staðfestir þátttakandi skráningu sína á námskeiðið, jafnframt því að samþykkja eftirfarandi skilmála.

Við staðfestingu á skráningu á námskeið samþykkir þátttakandi að ef til afskráningar kemur, greiðist óafturkræft gjald skv. eftirfarandi

  • Ef afskráð er með 3ja daga fyrirvara greiðist námskeiðsgjald að fullu.
  • Ef afskráð er með 4ra til 7 daga fyrirvara greiðist 25% af námskeiðsgjaldi.
  • Ef afskráð er með meira en 7 daga fyrirvara greiðist ekkert námskeiðsgjald.

Miðað er við virka daga.

 

IP símkerfi

Cisco er stærsti framleiðandi í heiminum á netbúnaði og netlausnum. Sensa býður meðal annars IP símkerfi frá Cisco fyrir lítil og stór fyrirtæki.

 

Aðstoð og ráðgjöf

Sendu ráðgjöfum okkar fyrirspurn eða sláðu á þráðinn!

 

Hvað þýðir Sensa?

Sensa er latína og þýðir hvort tveggja hugsun og að fræðast.

Í nafninu liggja gildi félagsins því það er í eðli þeirra verkefna sem félagið tekur að sér að það þarf hugsun og þekkingu til að framkvæma þau þannig að vel megi vera.

 

Þú ert hér: